उत्पत्ति 18:7 - परमेश्‍वरए ताँ तमु क्युइर

⁷ अब्राहाम बिस्याँ प्ह्रोंर ह्‍यासि ह्रोंसए खेदोमैंए बगलउँइँले क्ल्या भार घ्रि किंसि चए केब्छैंने सैबर पिंइ। धै सैबै तोंदोंन् चइ ह्‍योइ।

उत्पत्ति 18:7 ပူးပေါင်းရင်းမြစ်များ

उत्पत्ति 18:6

झाइले अब्राहाम च तोदोंन् तम्बुर सारा ङाँर ह्‍यासि “युन्ले प्रो ङ्‍हब्यों चेंसि क्हें झोंन्,” बिइ।

उत्पत्ति 18:8

झाइले चइ दै, ङ्‍हे नेरो ह्‍योबै से बोसि चमैंए उँइँर थेंमिंइ। चमैंइ आचन् समा च चमैं ङाँर्न रारिइ।

उत्पत्ति 19:3

दिलेया लोतइ चमैंने बेल्‍ले कर ल्हैदिमा चमैं चने बालु धिंर ह्‍याइ। धै लोतइ प्लेढा आझोंबै क्हें झोंसि चमैंए उँइँर थेंमिंमा चमैंइ चइ।

मत्ती 22:4

“धै म्रुँइ छोबै खसिमैं नेरो मगिमैं सैसि भत्यार लइमुँ। तारे ब्ह्‍याए भत्‍यार चबर खो बिद् बिसि म्रुँइ अरू के लबै म्‍हिमैं न्हिम्‍तो लब्‍मैं ङाँर धबै कुल्मिंइ।

लूका 15:23

झाइले छोबै क्‍यु साँडे सैसि भत्‍यार लसि ङ्यो बेल्‍ले सैं तोंदै चले।

लूका 15:27

“के लबै म्हिइ बिइ, ‘क्‍हिए अलि खइमुँ, छले च छेनाले एखब् म्रोंसि क्‍हिए आबा सैं तोंसि ङ्यो बाजा ह्रादै सेदै प्रिंदै सैं तोंदै चब् थुँब् लले बिसि छोबै क्यु सैसि भत्यार लइमुँ।’

लूका 15:30

क्‍हिए सै न्होर बोसि ताँन् नुवाबै च्ह एखमा चए ल्हागिर क्‍हिइ छोबै क्‍यु साँडे सैसि च्‍हौ थेबै भत्‍यार लमिंब आ।’