उत्पत्ति 18:32 - परमेश्‍वरए ताँ तमु क्युइर

³² झाइले अब्राहामइ बिइ, “ओ याहवेह, क्हि ह्रिस आखस्याँ ङ धबै ताँ घ्रि ङ्योएम् ओ। चर ठिक के लब्मैं च्यु मत्‍त्रे मुँस्याँ खै लम्दि?” खीजी बिइ, “ठिक के लबै म्हि च्यु सोरिगे बिसि ङइ च सहर नास लरिब् आरे।”

उत्पत्ति 18:32 ပူးပေါင်းရင်းမြစ်များ

उत्पत्ति 18:30

अब्राहामइ बिइ, “ओ याहवेह, क्हि ह्रिस आखस्याँ ङ धबै ताँ घ्रि ङ्योएम् ओ। चर ठिक के लब्मैं सोंच्यु मत्‍त्रे मुँस्याँ खै लम्दि?” खीजी बिइ, “चर ठिक के लब्मैं सोंच्यु मत्‍त्रे मुँलेया ङइ च सहर नास लरिब् आरे।”

उत्पत्ति 18:31

अब्राहामइ बिइ, “ओ याहवेह, ङ क्हिने ताँ सेबै आँट लरिइमुँ गार आम्हाँदिद् ओ। चर ठिक के लब्मैं ङ्हिस्यु मुँस्याँ खै लम्दि?” खीजी बिइ, “ठिक के लबै ङ्हिस्यु म्हि सोरिगे बिसि ङइ च सहर नास लरिब् आरे।”

उत्पत्ति 44:18

दिलेया यहूदा योसेफए उँइँर ह्‍यासि बिइ, “ओ ङए प्रभु, ङ यो छ्युँ लमुँ क्हिए केब्छैंइ ताँ घ्रि बिल् पिंन्। क्हि म्रुँ धों तबै थेबै म्हि ग दिलेया क्हिए केब्छैंने बालु ह्रिस आखमिंन्।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

प्रस्थान 32:14

छबिमा याहवेहजी ह्रोंसए म्हिमैंलाइ नास लवाब्मुँ बिलेया खीजी सैं एसि चमैंलाइ जोगेमिंइ।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।