उत्पत्ति 18:25 - परमेश्‍वरए ताँ तमु क्युइर

²⁵ दुष्‍ट म्हिमैंने बालु ठिक के लब्मैं सैबै के क्हिउँइँले खोंयोंइ आतरिगे। क्हिउँइँले छ्याँबै के लब्मैं नेरो आछ्याँबै के लब्मैंए नों खोंयोंन् बिलै घ्रिन् आतरिगे। पृथ्‍बीर्बै नियाधिशइ क्ह्रोंसेंन्बै निसाफ आल रो वा?”

उत्पत्ति 18:25 ပူးပေါင်းရင်းမြစ်များ

भजनमैं 58:11

छाब् म्रोंसि “ठिक के लब्मैंइ क्ह्रोंसेंन इनाम योब् मुँन; धै पृथ्‍बीर ठिक निसाफ लब परमेश्‍वर मुँन,” बिसि म्हिमैंइ बिब्मुँ।

भजनमैं 94:2

ओ पृथ्बीर्बै नियाधिश रेत्ति; थेब् प्हैंब्मैंइ लबै केए दण्ड चमैंलाइ पिंन्!

२ कोरिन्थी 5:10

तलेबिस्याँ ख्रीष्‍टजी निसाफ लमा ङ्यो ताँन् खीए उँइँर राल् त्‍हुम्। ङ्यो सोगों मुँमा छ्याँबै के ललेया, आछ्याँबै के ललेया ह्रोंसइ लबै केए नों ङ्योइ योंब्‍मुँ।

भजनमैं 98:9

चमैं ताँनइ याहवेहए उँइँर क्वे प्रिंरिगे, तलेबिस्याँ निसाफ लबर खी पृथ्बीर युम्। खीजी ह्‍युलर ठिक निसाफ लब्मुँ, धै ह्रें-ह्रेंर्बै म्हिमैं खाबै आफेलल्‍ले खीजी ठिक निसाफ लब्मुँ।

हिब्रू 12:23

स्वर्गर मिं दर्ता तबै च्‍ह थेब्मैंए ङाँर, ताँनए फिर छेनाले निसाफ लबै परमेश्‍वर ङाँर नेरो पबित्र लमिंबै ठिक के लब्मैंए प्ल्हए ङाँर क्हेमैं खइमुँ।

उत्पत्ति 18:24

च क्ल्ह्‍योर ठिक के लब्मैं ङ्‍हच्यु मुँस्याँ च ङ्‍हच्यु म्हि आजोगेल्‍ले च क्ल्ह्‍यो नास लवाम्मा?

भजनमैं 7:12

म्हिमैंइ सैं आएस्याँ खीजी ह्रोंसए सेलाँ म्याब्मुँ; खीजी ह्रोंसए त्हलेर छोइ फैसि तयार लब्मुँ।

भजनमैं 50:6

“खीजी ठिक के लम्,” बिसि मुइ बिमुँ, “तलेबिस्याँ ठिक निसाफ लबै परमेश्‍वर क्हिन् ग। तिस्याँदे मैंन्

भजनमैं 75:3

पृथ्बी नेरो चर मुँबै ताँन् सैमैं त्हारलेया पृथ्बीए त्होमैं थाम्दिसि थेंब ङन् ग। तिस्याँदे मैंन्