उत्पत्ति 18:13 - परमेश्‍वरए ताँ तमु क्युइर

¹³ “‘माँब् तयालेया ङइ च्ह-च्हमि योंम् रो वा?’ बिसि सारा तले निस्योइ? बिसि याहवेहजी अब्राहामने ङ्योएइ।

उत्पत्ति 18:13 ပူးပေါင်းရင်းမြစ်များ

उत्पत्ति 18:12

छतसि सारा सैं न्हों-न्हों “ङ माँब् तयाल् खाँइमुँ ङए प्युँ या खेब् तयाल् खाँइमुँ छाबै त्हेरै या ङ सैं तोंल् योंम् रो वा?” बिसि निस्योइ।

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

उत्पत्ति 21:6

छले च्ह योंमा साराई बिइ, “परमेश्‍वरजी ङए सैं तोंन् लमिंसि ङ निस्योल् पिंइमुँ। चु ताँ थेब्मैं ताँन् ङने बालु निस्योब्मुँ।”

उत्पत्ति 21:7

धबै साराई बिइ, “‘साराई प्हसेलाइ ङ्‍हे तिंल् योंम्’ बिसि खाबज्यै अब्राहामने आबिमल। दिलेया च खेब् तबै त्हेरै या ङ ङाँइले चल च्ह घ्रि फिइ।”

यूहन्‍ना 2:25

तलेबिस्याँ म्हिमैंए सैं खैब तम् बिब खीजी सेइमुँ। छतसि म्हिए बारेर खाबज्यै खीलाइ लोमिंल् आत्हु।