उत्पत्ति 17:8 - परमेश्‍वरए ताँ तमु क्युइर

⁸ क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 17:8 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 13:15

क्हिइ म्रोंबै ताँन् क्ल्ह्‍यो क्हि नेरो क्हिए सन्तानलाइ ङइ खोंयोंन् बिलै क्ल्हे तबर पिंब्मुँ।

उत्पत्ति 13:17

रेद्! ह्‍युलए खन्तोंदोंन् ह्‍याद्। तलेबिस्याँ ङइ चु ताँन् क्ल्ह्‍यो क्हिलाइ पिंब्मुँ।”

उत्पत्ति 23:4

“ङ अरू ह्‍युलउँइँले खसि क्हेमैंए म्हाँजोर टिइमुँ। ङए प्ह्रेंस्यो सियाइ। छतसि सिनु पाबै छगोंए ल्हागिर क्ल्ह्‍यो घ्रि ङने चुँन् ओ।”

उत्पत्ति 26:24

याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 35:27

याकूब चए आबा इसहाक ङाँर मम्रे बिबै क्ल्ह्‍योर खइ। (चु क्ल्ह्‍यो किर्यत-अर्बा नेरो हेब्रोन बिब् ग।) चर अब्राहाम नेरो इसहाक ओंसों टिल।

उत्पत्ति 36:7

चमैंल ल्हें सै न्होर मुँल, छतसि चमैं बालुन् टिल् आखाँ। चमैंए खेदोमैंइ लमा चमैं टिबै क्ल्ह्‍योर निर्बा तल् आखाँ।

उत्पत्ति 37:1

याकूब ह्रोंसए आबा टिबै कनान ह्‍युलर टिमल।

उत्पत्ति 48:4

‘थेद्, ङइ क्हिलाइ छ्याँब् लमिंसि क्हिए सन्तानमैं ल्हें लमिंब्मुँ। क्हिउँइँलेन् ल्हें ह्रेंमैं लमिंब्मुँ, धै क्हिए च्ह क्वेंमैंन् चु ह्‍युलए फिर खोंयोंन् बिलैया क्ल्हे तल् पिंब्मुँ,’ बिसि खीजी ङलाइ आशिक पिंइ।”

भजनमैं 103:17

दिलेया खीए मान लब्मैं खीजी खोंयोंन् बिलै म्हाँया लरिम्। धै चमैंए च्ह-क्वेंमैं,

भजनमैं 105:11

खीजी याकूबने च क्ह्रोंसेंन्बै निसाफ बनेइ, छले इस्राएलने खोंयोंन् बिलै तरिबै बाछा खीजी फैइ।

भजनमैं 105:9

च बाछा खीजी अब्राहामने फैइ, खीजी फैबै बाछा पक्‍का तम् बिबै ताँर इसहाकने कसम चइ।

प्रस्थान 13:11

“याहवेहजी क्हेमैं नेरो क्हेमैंए खेमैंने कसम चसि क्रें (बाछा) लब् धोंले कनानीमैंए ह्‍युलर क्हेमैंलाइ बोसि च ह्‍युल क्हेमैंलाइ पिंसि।

प्रस्थान 21:6

चए क्ल्हेइ चलाइ निसाफ लबै म्हिमैं ङाँर बोसि म्रार राल् पिंसि चए न्ह थोंमिंरिगे। छ लबै लिउँइँ आसिन् समा च म्हि क्ल्हेए केब्छैं तब्मुँ।

प्रस्थान 29:45

इस्राएलीमैंए म्हाँजोर ङ टिब्मुँ, धै चमैंए परमेश्‍वर तब्मुँ।

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

प्रस्थान 40:15

चमैंए आबालाइ अभिषेक लब् धोंले हारूनए च्हमैंइ खेगि तसि ङए सेवा लरिगे बिसि चमैंलाज्यै या अभिषेक लद्। छले अभिषेक लमा चमैंए पुस्ता-पुस्ता समा खोंयोंन् बिलै चमैं खेगिन् तरिब्मुँ।”

प्रस्थान 6:4

चमैं आगुए ह्‍युलर ह्‍यासि टिबै कनान बिबै ह्‍युल ङइ चमैंलाइ पिंम् बिसि चमैंने बाछा फैइ।

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

चेला चिब्मैंए केमैं 7:5

च त्हेर परमेश्‍वरजी चलाइ चु ह्‍युलर धिं नाँ तोइ आपिंल, प्हले म्हैबै क्ल्ह्‍यो या आपिंल। च्हमा चला प्हसेमैं आतलेया परमेश्‍वरजी खीने ‘चु ह्‍युल ङइ क्हिए सन्तान्‍मैं पिंब्मुँ’ बिसि बाछा फैल।

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

दर्शन 21:7

दुष्‍टए फिर ट्होब्मैंइ चु ताँन् आशिकमैं योंब्मुँ। धै ङ चमैंए परमेश्‍वर तब्‍मुँ, चमैं या ङए प्हसेमैं तब्‍मुँ।