उत्पत्ति 17:19 - परमेश्‍वरए ताँ तमु क्युइर

¹⁹ दिलेया परमेश्‍वरजी आब्रहामने बिइ, “आङिं! क्हिए प्ह्रेंस्यो साराईन क्हिए ल्हागिर च्ह घ्रि फिब्मुँ। क्हिइ चए मिं इसहाक थेंब्मुँ। च नेरो चए लिउँइँबै सन्तानने ङइ ङए बाछा फैब्मुँ।

उत्पत्ति 17:19 ပူးပေါင်းရင်းမြစ်များ

उत्पत्ति 16:11

याहवेहए दूतइ चने बिइ, “क्हिइ प्हसे नोइमुँ क्हिइ च्ह घ्रि फिब्मुँ। चए मिं इश्माएल थेंनु, तलेबिस्याँ याहवेहजी क्हिए दुःख म्रोंइमुँ।

उत्पत्ति 17:16

ङइ चलाइ आशिक पिंब्मुँ धै च ङाँइले क्हिलाइ च्ह घ्रि पिंब्मुँ। ङइ चलाइ आशिक पिंबइले च ल्हें ह्रेंमैंए आमा तब्मुँ। धै ह्रें-ह्रेंमैंए म्रुँमैं या च ङाँइले तब्मुँ।”

उत्पत्ति 17:18

ङ सिबै लिउँइँ इश्माएलाइन ङए च्हइ योंबै हक योंरिगे।”

उत्पत्ति 17:21

दिलेया ङए बाछा इसहाकनेन् फैब्मुँ। क्हुरिंम्बै चु त्हेजरे साराई क्हिउँलेन् च्ह फिब्मुँ।”

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 21:6

छले च्ह योंमा साराई बिइ, “परमेश्‍वरजी ङए सैं तोंन् लमिंसि ङ निस्योल् पिंइमुँ। चु ताँ थेब्मैं ताँन् ङने बालु निस्योब्मुँ।”

उत्पत्ति 26:2

तलेबिस्याँ याहवेहजी इसहाक ङाँर युसि बिइ, “क्हि मिश्र ह्‍युलर आह्‍याद्! ङइ क्हिने टिद् बिबै ह्‍युलर्न टिद्।

उत्पत्ति 26:3

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 9:16

न्हाँम्स्योर ह्‍यार्गों म्रोंमा ङइ च ङ्ह्‍योसि चु खोंयोंन् बिलै तरिबै बाछा मैंब्मुँ। चु बाछा परमेश्‍वर नेरो ह्‍युलर्बै सो प्ह्‍याबै ताँन् सैमैंने फैइमुँ।

लूका 1:55

ङ्योए खे अब्राहाम नेरो खीए कुलर्बै सन्तानमैंने खीजी खोंयोंन् बिलै ल्हयो खरिम्।”

हिब्रू 11:11

बिश्‍वासउँइँलेन् साराज्यै माँब् तल् खाँबै लिउँइँ प्‍हसे नोबै भों योंइ, तलेबिस्याँ “प्हसे फिम् बिसि बाछा फैबै परमेश्‍वर बिश्‍वास योग्यर्बै मुँ” बिसि चइ मैंल।