उत्पत्ति 17:16 - परमेश्‍वरए ताँ तमु क्युइर

¹⁶ ङइ चलाइ आशिक पिंब्मुँ धै च ङाँइले क्हिलाइ च्ह घ्रि पिंब्मुँ। ङइ चलाइ आशिक पिंबइले च ल्हें ह्रेंमैंए आमा तब्मुँ। धै ह्रें-ह्रेंमैंए म्रुँमैं या च ङाँइले तब्मुँ।”

उत्पत्ति 17:16 ပူးပေါင်းရင်းမြစ်များ

उत्पत्ति 1:28

परमेश्‍वरजी चमैंने आशिक पिंसि बिइ, “प्हारदै रोदै ल्हें तदै ह्‍याद्। पृथ्बीर प्लिंदै चए फिर क्‍ल्‍हे लदै ह्‍याद्। मा ङ्युँर्बै ताँगमैं, मुर्बै नमेमैं नेरो ह्‍युलर्बै ताँन् सो प्ह्‍याबै सैमैं फिर्बै क्ल्हे तद्।”

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 15:4

दिलेया “च एलीएजर बिबै केब्छैं क्हिए धिंर्बै क्ल्हे तरिब आरे, तलेबिस्याँ क्हिए च्हन् क्हिए धिंर्बै क्ल्हे तब्मुँ,” बिसि याहवेहजी बिबै ताँ धबै अब्रामइ थेइ।

उत्पत्ति 17:15

परमेश्‍वरजी धबै अब्राहामने बिइ, “क्हिए प्ह्रेंस्योने साराई बिसि आहुइद्, तारे चए मिं सारा तब्मुँ।

उत्पत्ति 17:19

दिलेया परमेश्‍वरजी आब्रहामने बिइ, “आङिं! क्हिए प्ह्रेंस्यो साराईन क्हिए ल्हागिर च्ह घ्रि फिब्मुँ। क्हिइ चए मिं इसहाक थेंब्मुँ। च नेरो चए लिउँइँबै सन्तानने ङइ ङए बाछा फैब्मुँ।

उत्पत्ति 17:6

ङइ क्हिलाइ ल्हें सन्तानमैं पिंब्मुँ धै क्हिउँइँलेन् ल्हें ह्रेंमैं तब्मुँ। क्हिउँइँलेन् म्रुँमैं त्होंब्मुँ।”

उत्पत्ति 21:1

याहवेहजी अब्राहामने बाछा फैब् धोंले साराए फिर ल्हयो खइ। धै खीजी बिब्‌ धोंलेन् लमिंसि

उत्पत्ति 24:60

चमैंइ रिबेकाए फिर आशिक पिंसि बिइ, “ओ ङिए रिं, क्हिल ल्हें ल्हें प्हसेमैं तरिगे धै क्हि ल्हें सन्तानए आमा तरिगे, झाइले क्हिए सन्तानइ खेंमैंने ख्रे लब्मैंए सहरमैं ट्होरिगे।”

उत्पत्ति 25:23

याहवेहजी चने बिइ, “क्हिए फोर ह्रें ङ्हिं मुँ, क्हिए फोउँइँलेन् चमैं ह्रें ङ्हिं तसि स्यो-स्योले फिब्मुँ। आघें भन्दा अलि भोंब तब्मुँ। धै थेबइ च्योंबए सेवा लब्मुँ।”

उत्पत्ति 35:11

परमेश्‍वरजी चने धबै बिइ, “ङ तोन्दोंरि सै लल् खाँबै परमेश्‍वर ग। क्हिए सन्तानमैं ल्हें तब्मुँ। क्हिउँइँलेन् ल्हें ह्रेंमैं तखब्मुँ। धै क्हि म्रुँमैंए खे तब्मुँ।

उत्पत्ति 36:31

इस्राएलर्बै अरू म्रुँमैंइ ग्याल्स लब् भन्दा ओंसों एदोम ह्‍युलर ग्याल्स लबै म्रुँमैं चुमैंन् ग:

रोमी 9:9

तलेबिस्याँ परमेश्‍वरजी अब्राहामने छले बाछा फैथेंल, “क्‍हुरिमा चु त्हेर्न ङ युमा क्‍हिए प्‍ह्रेंस्‍यो साराई च्‍ह फिब्‍मुँ।”

गलाती 4:23

केब्स्‍यो हागार ङाँइँले योंबै च्ह अब्राहामइ ह्रोंसए ज्युर्बै इच्छाउँइँले योंल। दिलेया ह्रोंसए प्‍ह्रेंस्‍यो सारा ङाँइँले योंबै च्ह बिस्याँ परमेश्‍वरजी च्ह पिंम् बिसि बाछा फैबइले योंल।

१ पत्रुस 3:6

छलेन साराई खीए प्युँ अब्राहामइ बिब ङिंसि चलाइ क्ल्हे बिल। क्हेमैंइ छ्याँबै केमैं लदै तोइ सैनेया आङ्हिंइ बिस्याँ क्‍हेमैं या साराए च्हमिंमैं तब्मुँ।