उत्पत्ति 17:12 - परमेश्‍वरए ताँ तमु क्युइर

¹² क्हेमैंए पुस्ता-पुस्ता समा च्हमैं फिमा ताँन् मुँयुँमैंइ प्रेरोर्न चमैंए ज्युर चिनु लल् त्हुब्मुँ। क्हिए धिंर फिब् मुँले, आगुए ह्‍युलउँइँले खलै, किंइ पखबै केब्छैं मुँलेया चमैं ताँन् मुँयुँमैंए ज्युर चिनु लल् त्हुब्मुँ।

उत्पत्ति 17:12 ပူးပေါင်းရင်းမြစ်များ

उत्पत्ति 17:23

च त्हिंइर्न अब्राहामइ ह्रोंसए च्ह इश्‍माएल नेरो ह्रोंसए धिंर फिबै केब्छैंमैं नेरो ह्रोंसए धिंर्बै ताँन् मुँयुँमैंल परमेश्‍वरजी बिब् धोंले ज्युर चिनु लइ।

उत्पत्ति 21:4

चए च्ह प्रेरो तमा अब्राहामइ परमेश्‍वरजी बिब्‌ धोंलेन् ज्युर चिनु लइ।

प्रस्थान 12:44

दिलेया किंसि पखबै केब्छैंमैंइ ज्युर चिनु लल् खाँइ बिस्याँ च चरिगे।

प्रस्थान 22:30

“छलेन क्हेमैंए खेदोमैं नेरो क्युमैं या ङलाइ पिंन्। च ओंसों फिबै खेदोए प्हसे ङिगें समा ह्रोंसए आमाने टिरिगे, प्ह्रेगैंर बिस्याँ क्हेमैंइ च खेदोए प्हसे ङए ल्हागिर पिंन्।

लूका 1:59

कोलो प्रेरो तबै लिउँइँ कोलोए ज्युर चिनु लसि मिं थेंबर ताँन् ङ्‍हेब्-ट्हुब्मैं नेरो ह्रजे-म्हजेमैं खागु तइ। चमैंइ कोलोए मिं आबाए मिं धोंन् तब जकरिया थेंल् म्‍हैल।

लूका 2:21

प्‍हसे फिसि प्रेरोर कोलोए ज्युर चिनु लसि खीए मिं येशू थेंइ, तलेबिस्याँ च मिं प्‍हसे नोब् भन्दा ओंसोंन् स्‍वर्गदूतइ आमाने बिथेंल।

चेला चिब्मैंए केमैं 7:8

परमेश्‍वरजी अब्राहामने ज्युर चिनु लल् त्हुम् बिबै बाछा या फैल। च लिउँइँ अब्राहामइ इसहाक च्ह योंसि इसहाक फिबै प्रेरोर चए ज्युर चिनु लमिंइ। इसहाक याकूबए आबा तइ, धै याकूब ङ्योए ह्रेंए च्युसे ङ्हिं खेमैंए आबा तइ।

रोमी 2:28

यहूदीमैंइ लब् धों ललेया क्हि क्ह्रोंसेंन्बै यहूदी तल् आखाँ। छलेन ज्युर चिनु ललेया क्ह्रोंसेंन्बै यहूदी आत।

फिलिप्पी 3:5

तलेबिस्याँ ङलम् फिबै प्रेरोर ज्युर चिनु लल। ङ इस्राएल ह्रेंर्बै बेन्यामीन कुलर्बै ग, हिब्रूमैंलैया हिब्रू ग, मोशाइ प्ह्रिबै ठिममैं म्हाँदिबै फरिसी घ्रि ग,