उत्पत्ति 17:1 - परमेश्‍वरए ताँ तमु क्युइर

¹ अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

उत्पत्ति 17:1 ပူးပေါင်းရင်းမြစ်များ

उत्पत्ति 12:1

याहवेहजी अब्रामने बिइ, “क्हिए ह्‍युल, क्हिए ङ्‍हेब्-ट्हु नेरो क्हिए आबाए धिंउँइँले त्होंसि ङइ तेंबै ह्‍युलर ह्‍याद्।

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 16:16

हागारइ इश्‍माएल फिबै त्हेर अब्राम प्रेच्युसे ट्हुदिंर्बै मुँल।

उत्पत्ति 18:1

तिगें त्हिंइर्बै ख्वालबै त्हेर अब्राहाम मम्रे बिबै क्ल्ह्‍योर ङ्‍हसिं धुँए ङाँर्बै ह्रोंसए तम्बुए म्रार टिरिमा याहवेह च ङाँर म्रोंयुइ।

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

उत्पत्ति 24:40

चइ ङने बिइ, ‘ङ याहवेहए सेवा लबै म्हि ग। छतसि खीजीन् ह्रोंसए स्वर्गदूत क्हिने बालु कुलब्मुँ, छले कुलमा क्हिए के छ्याँब तब्मुँ। धै ङए ङेंमैं नेरो ङए आबाए धिंउँइँले ङए च्हए ल्हागिरि क्हिइ प्ह्रेंस्यो घ्रि पखब्मुँ।

उत्पत्ति 26:2

तलेबिस्याँ याहवेहजी इसहाक ङाँर युसि बिइ, “क्हि मिश्र ह्‍युलर आह्‍याद्! ङइ क्हिने टिद् बिबै ह्‍युलर्न टिद्।

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 35:11

परमेश्‍वरजी चने धबै बिइ, “ङ तोन्दोंरि सै लल् खाँबै परमेश्‍वर ग। क्हिए सन्तानमैं ल्हें तब्मुँ। क्हिउँइँलेन् ल्हें ह्रेंमैं तखब्मुँ। धै क्हि म्रुँमैंए खे तब्मुँ।

उत्पत्ति 43:14

क्हेमैंए अर्को अलि नेरो बेन्यामीन फ्रेपखबै ल्हागिर च म्हिए उँइँरि तोन्दोंरि सै लल् खाँबै परमेश्‍वरजी क्हेमैंए फिर ल्हयो खरिगे। ङ प्हसे आरेब् तयाम् बिलेन तरिगे।”

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

उत्पत्ति 48:15

झाइले चइ योसेफने छले आशिक पिंसि बिइ, “ङए बाज्यु अब्राहाम नेरो आबा इसहाक खेंमैंइ म्हाँदिबै परमेश्‍वरए उँइँर प्रमल। च परमेश्‍वरजीन् ङए छ्ह तिगोंन् तिंयाँ समा ङ डोरेइमुँ,

उत्पत्ति 48:3

याकूबइ योसेफने बिइ, “कनान ह्‍युलर्बै लूजरि तोन्दोंरि सै लल् खाँबै परमेश्‍वर ङ ङाँर म्रोंयुइ।

उत्पत्ति 5:22

मतूशेलह फिबै लिउँइँ हनोक सोंब्ब्रा बर्ष समा परमेश्‍वरने बा-बालुन् प्ररिइ। धै अरू च्‍ह-च्‍हमिमैं योंइ।

उत्पत्ति 5:24

हनोक परमेश्‍वरने बा-बालुन् प्रमल। छले प्रना-प्रन् चलाइ खाबज्यै आम्रों, तलेबिस्याँ परमेश्‍वरजी चलाइ क्‍वे बोवाल।

उत्पत्ति 6:9

नोआए ताँमैं चुन् ग। चए पलोर नोआ मत्‍त्रे छ्याँबै के लबै म्हि मुँल। च परमेश्‍वरने बा-बालुन् प्रमल।

भजनमैं 115:3

ङिए परमेश्‍वर स्वर्गर मुँ; खीजी तो लदा ङ्हाँमुँ चन् लम्।

भजनमैं 116:9

छतसि ङ सोगोंमैंए ह्‍युलर मुँन् समा याहवेहए घ्याँर प्रब् टिब् लल् खाँम्।

भजनमैं 25:14

याहवेहलाइ मान लब्मैंने बालु खी बेल्‍ले क्ह्रिबै थु तम्, धै खीजी फैबै बाछाए ताँमैं चमैंलाइ सेल् पिंम्।

प्रस्थान 6:3

अब्राहाम, इसहाक नेरो याकूब ङाँर ङ तोन्दोंरि सै लल् खाँबै परमेश्‍वरए क्हो किंसि म्रोंयुइ। दिलेया याहवेह बिबै ङए मिंउँइँले चमैं ङाँर आम्रोंयु।

हितोपदेश 10:9

भर लल् खाँबै म्हि खनिर ह्‍यालै ढुक्‍कले प्रम्, दिलेया छलु म्हिलु लबै म्हिलाइ बिस्याँ म्हिमैंइ स्याब्मुँ।

मत्ती 19:26

येशूजी चमैं ङाँइ ङ्‌ह्‍योसि बिइ, “म्‍हिमैंइ लल् आखाँबै सै परमेश्‍वरजी लल् खाँम्।”

मत्ती 5:48

छतसि क्‍हेमैंए स्‍वर्गर टिबै आबा पक्‍का के लब् धोंले क्हेमैं या छलेन् पक्‍का के लल् त्हुमुँ।”

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

चेला चिब्मैंए केमैं 23:1

पावलइ थेबै म्हि च्हों ङाँइ ङ्ह्‍योसि बिइ, “ओ आघें-अलिमैं, तिंयाँबै त्हिंइ समा परमेश्‍वरए उँइँरि ङइ छ्याँबै छ्ह थोइमुँ बिसि ङए सैंइ बिम्।”

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

हिब्रू 12:28

छतसि ङ्योइ लाल् आखाँबै ग्याल्स योंबइले परमेश्‍वरलाइ धन्‍यबाद पिंले, धै खीए मान लदै खीने ङ्हिंदै खीजी खोल्‍ले खीए मिं क्वेले।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।