उत्पत्ति 16:7 - परमेश्‍वरए ताँ तमु क्युइर

⁷ याहवेहए स्वर्गदूतइ शूर सहर ह्‍याबै घ्याँर म्हि आटिबै क्ल्ह्‍योर क्युए मुल ङाँर हागारलाइ त्होइ।

उत्पत्ति 16:7 ပူးပေါင်းရင်းမြစ်များ

उत्पत्ति 20:1

च क्ल्ह्‍योउँइँले अब्राहाम नेगेब बिबै क्ल्ह्‍योउँइँ ह्‍याइ, धै कादेश नेरो शूरए म्हाँजोर्बै गरार बिबै ह्‍युलर टिइ। गरार ह्‍युलर टिमा चर्बै म्हिमैंने

उत्पत्ति 21:17

दिलेया परमेश्‍वरजी कोलो क्रोब थेइ। धै परमेश्‍वरए दूतजी स्वर्गउँइँले हागारने बिइ, “ओ हागार, क्हिए फिर तो दुःख तइ? क्हि आङ्हिंन्, तलेबिस्याँ कोलो क्रोब परमेश्‍वरजी थेइमुँ।

उत्पत्ति 21:18

रेद्, कोलो ङाँर ह्‍यासि चलाइ रेमिंन्, धै चए सैं क्होल् लमिंन्। ङइ च ङाँइले थेबै ह्रें घ्रि लमिंब्मुँ।”

उत्पत्ति 21:19

छबिसि परमेश्‍वरजी हागारए मि थोंमिंमा चइ क्यु खाँदु घ्रि म्रोंइ। धै ह्‍यासि छकालर क्यु खाइ पखसि कोलो थुँमिंइ।

उत्पत्ति 22:11

दिलेया याहवेहए दूत घ्रिइ स्वर्गउँइँले चलाइ कै तेसि बिइ, “ओ अब्राहाम, अब्राहाम!” चइ बिइ, “होइ, ङ चुर्न मुँ।”

उत्पत्ति 22:15

याहवेहए दूतजी धबै स्वर्गउँइँले कै तेसि अब्राहामने बिइ,

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 25:18

इश्माएलए प्हसेमैं शुरउँइँले हवीलाए म्हाँजोर्बै क्ल्ह्‍योर टिमल। च क्ल्ह्‍यो मिश्रर्बै स्यारउँइँ पूर्वउँइँ अश्शूर ह्‍याबै घ्याँर मुँल। चमैं खेंमैंए आघें-अलिमैंने आक्ह्रिसि ह्रेंगो टिनेल।

उत्पत्ति 31:11

च त्हेर परमेश्‍वरए स्वर्गदूतइ म्होंडर ङने ‘ओ याकूब!’ बिमा ङइ ‘होइ, ङ चुर्न मुँ,’ बिइ।

प्रस्थान 15:22

छ तबै लिउँइँ मोशाइ इस्राएलीमैं काँसए घारि मुँबै मा ङ्युँइउँइँले डोरेसि बोइ। चमैं शूर बिबै क्यु आरेबै क्ल्ह्‍योउँइँ ह्‍यामा चमैंइ सोंरो समा प्रमा चमैंइ क्यु आयों।

प्रस्थान 3:2

चर लुँरिबै झ्याडि घ्रिर याहवेहए दूत च ङाँर म्रोंयुइ। धै मोशाइ झ्‍याडिर ङ्ह्‍योमा चर मि लुँरिल दिलेया झ्याडि बिस्याँ आख्रोंल।

हितोपदेश 15:3

याहवेहजी खन्तोदोंन् ङ्ह्‍योरिम्, दुष्‍ट म्हि नेरो छ्याँबै म्हिमैं ङ्हिंन-ङ्हिंए फिर मि छरिम्।