उत्पत्ति 16:14 - परमेश्‍वरए ताँ तमु क्युइर

¹⁴ छतसि च क्यु खादुँए मिं “ङलाइ म्रोंबै सोगों परमेशवरए क्यु खादुँ” ग। च क्ल्ह्‍यो कादेश नेरो बेरेदए म्हाँजोर मुँ।

उत्पत्ति 16:14 ပူးပေါင်းရင်းမြစ်များ

उत्पत्ति 14:7

च लिउँइँ चमैं एखसि एन मिशपातर (अथवा कादेशर) खसि अमालेकीमैंए ताँन् ह्‍युल नेरो हासेसोन-तामारर टिबै एमोरीमैं या ट्होवासि चमैंलाज्यै या खेंमैंए न्होंर थेंइ।

उत्पत्ति 16:15

छले हागारइ अब्रामल च्ह घ्रि फिइ। च च्हए मिं अब्रामइ इश्माएल थेंइ।

उत्पत्ति 21:19

छबिसि परमेश्‍वरजी हागारए मि थोंमिंमा चइ क्यु खाँदु घ्रि म्रोंइ। धै ह्‍यासि छकालर क्यु खाइ पखसि कोलो थुँमिंइ।

उत्पत्ति 21:31

झाइले चर चमैं ङ्हिंन-ङ्हिंनइ बाछा फैबइले च क्ल्ह्‍योए मिं बेर्शेबा थेंइ।

उत्पत्ति 24:62

चमैं फेनेबै त्हेर इसहाक बेअर-लहैरोइउँइँले खल। तलेबिस्याँ च नेगेव बिबै ह्‍युलर टिमल।

उत्पत्ति 25:11

अब्राहाम सिबै लिउँइँ चए च्ह इसहाकए फिर परमेश्‍वरजी आशिक पिंइ। च त्हेर इसहाक बेअर-लहै-रोइ ङाँर टिमल।