उत्पत्ति 16:13 - परमेश्‍वरए ताँ तमु क्युइर

¹³ हागारइ बिइ, “क्ह्रोंसेंन ङइ परमेश्‍वर म्रोंसेया ङ सोगोंन् मुँ।” छतसि ह्रोंसने बालु ताँ लबै याहवेहलाइ चइ “ङलाइ म्रोंबै परमेश्‍वर” बिसि मिं थेंइ।

उत्पत्ति 16:13 ပူးပေါင်းရင်းမြစ်များ

उत्पत्ति 16:7

याहवेहए स्वर्गदूतइ शूर सहर ह्‍याबै घ्याँर म्हि आटिबै क्ल्ह्‍योर क्युए मुल ङाँर हागारलाइ त्होइ।

उत्पत्ति 22:14

छतसि अब्राहामइ च क्ल्ह्‍योए मिं “याहवेहजी जुरेमिंब्मुँ” थेंइ। “याहवेहए कोंर खीजी जुरेमिंब्मुँ” बिसि तिंजरो या म्हिमैंइ बिरिम्।

उत्पत्ति 28:17

च बेल्‍ले ङ्हिंसि “चु बेल्‍ले पबित्र क्ल्ह्‍यो मुँन! चु परेमेश्‍वरए धिं मुँन! चु क्ल्ह्‍यो स्वर्गए म्रा ग मुँन,” बिइ।

उत्पत्ति 31:42

ङए आबाए परमेश्‍वर, ङए बाज्यु अब्राहाम नेरो इसहाकए परमेश्‍वर ङने बालु आरेस्याँ क्ह्रोंसेंन क्हिइ ङए यो क्होत्तेन् कुल्मिंमल। दिलेया ङइ योंबै दुःख नेरो ङइ लबै के खीजी म्रोंइ। छतसि खीजी तल् म्हुँइँसर क्हिलाइ हौदिब् ग।”

उत्पत्ति 32:30

“परमेश्‍वर ङए ओंसोंन् म्रोंसेया ङ सोइ,” बिसि याकूबइ च क्ल्ह्‍योए मिं पनीएल थेंइ।

उत्पत्ति 32:31

चए क्रे नबै लमा च खोचें-खोचेंले प्रसि पनीएल ङ्वेल् खाँमा त्हिंयाँ प्योइ।

प्रस्थान 24:11

दिलेया परमेश्‍वरजी इस्राएलर्बै चिब्मैंए न्होह्रों आल। चमैंइ परमेश्‍वरलाइ म्रोंइ धै बालुन् चब् थुँब् लइ।

हितोपदेश 15:3

याहवेहजी खन्तोदोंन् ङ्ह्‍योरिम्, दुष्‍ट म्हि नेरो छ्याँबै म्हिमैं ङ्हिंन-ङ्हिंए फिर मि छरिम्।

हितोपदेश 5:21

तलेबिस्याँ म्हिमैं खैले प्रब-टिब लइमुँ बिब याहवेहजी सेम्, धै खीजी चमैंइ लबै केमैंए जाँच लम्।