उत्पत्ति 16:1 - परमेश्‍वरए ताँ तमु क्युइर

¹ अब्रामए प्ह्रेंस्यो साराईउँइँले अब्रामल प्हसे आतल। साराईल हागार बिबै मिश्री केब्स्यो घ्रि मुँल।

उत्पत्ति 16:1 ပူးပေါင်းရင်းမြစ်များ

उत्पत्ति 11:30

साराई थरि मुँल चल च्ह-च्हमि तोइ आरेल।

उत्पत्ति 12:16

साराई बेल्‍ले छ्याँब म्रोंसि फारो म्रुँइ अब्रामलाइ छेन् लसि र-क्युमैं, म्येमैं, केब्-केब्स्योमैं, गधामैं नेरो सलुमैं पिंइ।

उत्पत्ति 15:21

एमोरी, कनानी, गिर्गाशी नेरो यबूसीमैंए ह्‍युलमैं ताँन् ङइ क्हिए प्हसेमैंलाइ पिंइमुँ।”

उत्पत्ति 21:12

दिलेया परमेश्‍वरजी अब्राहामने बिइ, “च कोलो नेरो क्हिए केब्स्यो हागारए ल्हागिरि क्हिइ न्हुँ आलद्। ङइ क्हिने बाछा फैब् धोंले क्हिए सन्तान इसहाकउँइँलेन् तब्मुँ। छतसि साराई क्हिने खै बिमुँ छान् लद्।

उत्पत्ति 21:21

धै चए आमाइ चए ल्हागिर मिश्र ह्‍युलउँइँले प्ह्रेंस्यो घ्रि पखमिंइ।

उत्पत्ति 25:21

रिबेका थरि तबइले इसहाकइ ह्रोंसए प्ह्रेंस्योए ल्हागिर याहवेहने प्राथना लइ। चए प्राथना याहवेहजी थेसि रिबेकाइ प्हसे नोइ।

लूका 1:36

च्‍हौ मत्‍त्रे आङिं, क्‍हिए नातो न्होंर्बै आना इलिशिबा माँब् तबै त्हेरै या प्हसे नोइमुँ। तारे चइ प्‍हसे आफि, थरि त‍याइ बिसि म्हिमैंइ बिमल। दिलेया चइ प्‍हसे नोसि तोगो म्हैंन ट्हुल् तइमुँ।

लूका 1:7

इलिशिबा थरि मुँल। छतसि च्‍ह-चमिं तोइ आरेल। च्हौ मत्‍त्रे आङिंना, चमैं ङ्हिंना-ङ्हिंन् खिब्‌ माँब् तयाल।

गलाती 4:24

चु च्हमिरि ङ्हिंउँइँले ङ्योइ छले क्होल् खाँम्: च च्हमिरि ङ्हिंए मतलब बाछा ङ्हिं ग। हागार बिबै केब्स्‍योए मतलब सिनै बिबै कोंउँइँले युबै बाछा ग। च केब्स्‍योइ केब्छैं तल् त्हुबै प्‍हसेमैं फिल।