उत्पत्ति 15:7 - परमेश्‍वरए ताँ तमु क्युइर

⁷ खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

उत्पत्ति 15:7 ပူးပေါင်းရင်းမြစ်များ

उत्पत्ति 12:1

याहवेहजी अब्रामने बिइ, “क्हिए ह्‍युल, क्हिए ङ्‍हेब्-ट्हु नेरो क्हिए आबाए धिंउँइँले त्होंसि ङइ तेंबै ह्‍युलर ह्‍याद्।

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 105:11

खीजी याकूबने च क्ह्रोंसेंन्बै निसाफ बनेइ, छले इस्राएलने खोंयोंन् बिलै तरिबै बाछा खीजी फैइ।

भजनमैं 105:42

ह्रोंसए के लबै म्हि अब्राहामने फैबै पबित्र बाछा खीजी चिइ।

भजनमैं 105:44

खीजी चमैंलाइ अरू ह्रेंमैंए ह्‍युल पिंइ, धै अरू म्हिमैंइ दुःख लसि योंबै सैमैं ताँन् चमैंइ क्ल्हे लइ।

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

रोमी 4:13

अब्राहाम नेरो चए सन्तान ह्‍युलर्बै हकवालामैं तम् बिसि परमेश्‍वरजी फैबै बाछा अब्राहामइ ठिमर बिब् धोंले लसि बाछा फैब् आङिं, परमेश्‍वरए फिर बिश्‍वास लसि ठिक ठर्दिबइले परमेश्‍वरजी च नेरो चए सन्‍तानने चु बाछा फैइ।