उत्पत्ति 15:5 - परमेश्‍वरए ताँ तमु क्युइर

⁵ खीजी चलाइ बैरु बोसि बिइ, “मुउँइँ ङ्योद्! मुर्बै मुसारमैं च्योल् खाँम् उ आखाँ? क्हिए प्हसेमैं या मुसारा धोंलेन् ल्हें तब्मुँ।”

उत्पत्ति 15:5 ပူးပေါင်းရင်းမြစ်များ

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 13:16

ङइ क्हिए प्हसेमैं पृथ्‍बीर्बै त्हुल् धोंलेन् ल्हें लमिंब्मुँ। खाबज्यै त्हुल् च्योल् आखाँ! त्हुल् च्योल् खाँम् बिस्याँ क्हिए प्हसेमैं या च्योल् खाँब्मुँ।

उत्पत्ति 16:10

याहवेहए दूतइ धबै चने बिइ, “ङइ क्हिलाइ ल्हें प्हसेमैं पिंब्मुँ। चमैं खाबज्यै च्योल् खाँरिब् आरे।”

उत्पत्ति 17:2

ङइ क्हिलाइ ल्हें सन्तानमैं पिंब्मुँ बिसि ङ नेरो क्हिए म्हाँजोरि बाछा फैब्मुँ।”

उत्पत्ति 22:17

क्हिए प्हसेमैं बडिसि मुर्बै सारमैं नेरो मा ङ्युँइर्बै बालुवा धोंलेन् ल्हें लमिंब्मुँ। क्हिए सन्तानइ खेंमैंए शत्तुरमैंए सहरमैं क्ल्हे लब्मुँ।

उत्पत्ति 26:4

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ।

उत्पत्ति 28:14

क्हिए सन्तानमैं ह्‍युलर्बै स त्हुल् धोंलेन् ल्हें तब्मुँ। क्हिए सन्तान स्यार (पूर्व) छ्यो-न्हुँ (पश्‍चिम) च्योंबो (उत्तर) नेरो छ्यो ल्हुइ (दक्षिणाइ) खन्तोंदोंन् ल्हें तदै ह्‍याब्मुँ। क्हि नेरो क्हिए सन्तानउँइँले ह्‍युलर्बै ताँन् म्हिमैंइ आशिक योंब्मुँ।

उत्पत्ति 32:13

च म्हुँइँसर याकूब चर्न टिइ। धै ह्रोंसए आघें एसावलाइ पिंबै ल्हागिर ह्रोंसने मुँबै खेदोमैं फ्रेसि थेंइ:

भजनमैं 147:4

मुसारमैं च्हगन् मुँ बिसि खीजी सेइमुँ; धै च ताँन् मुसारमैंए मिं थेंमिंइमुँ।

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

रोमी 4:18

छलेन “क्‍हिए सन्‍तानै या च्योलै आखाँल्‍ले तब्‍मुँ” बिसि परमेश्‍वरजी चने बिल। छतसि प्हसे तम् बिसि तिफुँइ आशा आरेबै त्हेरै या अब्राहामइ बिश्‍वास लसि आशा थेंबइले च ह्रें-ह्रेंमैंए खे तइ।

हिब्रू 11:12

छतसि सिबै त्हे तयाल खाँबै म्हि घ्रिउँइँलेन् मुर्बै सारमैं नेरो मा ङ्युँइए रेर्बै च्योलै आखाँबै बालुवाए त्हुल धोंलेन् ल्हें सन्तान तइ।