उत्पत्ति 15:2 - परमेश्‍वरए ताँ तमु क्युइर

² दिलेया अब्रामइ बिइ, “ओ याहवेह परमेश्‍वर, क्हिजी ङ तो पिंइमुँ रो? तलेबिस्याँ ङल प्हसे घ्रि या आरे, तारे ङए धिंर्बै क्ल्हे दमस्कसर्बै एलीएजर तब्मुँ।

उत्पत्ति 15:2 ပူးပေါင်းရင်းမြစ်များ

उत्पत्ति 14:15

अब्रामइ ह्रोंसए म्हिमैं टोलि-टोलि लसि फेलइ धै म्हुँइँसर शत्तुरमैंए फिर ह्‍वानेमा चमैंलाइ ट्होवाइ। धै दमस्कसए उत्तरउँइँबै होबा समा चमैं ल्हाबोइ।

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 15:3

क्हिजी ङलाइ प्हसेमैं आपिंइमुँ। छतसि ङए धिंर फिबै केब्छैंन् ङए धिंर्बै क्ल्हे तब्मुँ।”

उत्पत्ति 24:10

च लिउँइँ च केब्छैं ह्रोंसए क्ल्हेए च्युउँलो सलु नेरो ताँन् खालर्बै छ्याँ-छ्याँबै सैमैं किंसि अराम-नाहारैमउँइँले तसि नाहोरए ह्‍युलर ह्‍याइ।

उत्पत्ति 24:2

तिगें अब्राहामइ ह्रोंसए धिंर्बै ताँन् सैमैं छेनाले ङ्ह्‍योबै केब्छैं चिबने बिइ, “क्हिए यो ङए प्हाँ न्होंर थेंन्।

उत्पत्ति 25:21

रिबेका थरि तबइले इसहाकइ ह्रोंसए प्ह्रेंस्योए ल्हागिर याहवेहने प्राथना लइ। चए प्राथना याहवेहजी थेसि रिबेकाइ प्हसे नोइ।

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

उत्पत्ति 43:19

छतसि चमैंइ योसेफए धिंर्बै के लबै चिबने म्रार ह्‍यासि बिइ,

उत्पत्ति 44:1

च लिउँइँ योसेफइ ह्रोंसए धिंर्बै के लबै चिबने बिइ, “चमैंइ बोल् खाँबै म्‍ल्ह-नारिमैं चमैंए नेंदोंर झोंमिंन् धै चमैंए चाँदिए मुइ या चमैंए नेंदोंए सुँर थेंमिंन्।

भजनमैं 127:3

च्ह च्हमिमैं याहवेहजी पिंबै आशिकमैं ग, फो न्होंर्बै प्हसेमैं खीजी पिंबै इनाम ग।

हितोपदेश 13:12

आशा थेंबै सै आयोंमा सैं सिम्, दिलेया सैर मैंब् धों तमा भों खम्।

हितोपदेश 17:2

बुद्धि मुँबै केब्छैंइ केर आफेबै च्हलाइ न्होंर थेंब्मुँ, धै च्हइ धोंले चइ खे-बाज्युमैंए सै न्होर योंब्मुँ।

चेला चिब्मैंए केमैं 7:5

च त्हेर परमेश्‍वरजी चलाइ चु ह्‍युलर धिं नाँ तोइ आपिंल, प्हले म्हैबै क्ल्ह्‍यो या आपिंल। च्हमा चला प्हसेमैं आतलेया परमेश्‍वरजी खीने ‘चु ह्‍युल ङइ क्हिए सन्तान्‍मैं पिंब्मुँ’ बिसि बाछा फैल।

रूथ 2:6

चिबइ बिइ, “च मोआब ह्‍युलउँइँले नाओमीने खबै मोआबी थेंस्यो ग।