उत्पत्ति 15:18 - परमेश्‍वरए ताँ तमु क्युइर

¹⁸ च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 15:18 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 13:15

क्हिइ म्रोंबै ताँन् क्ल्ह्‍यो क्हि नेरो क्हिए सन्तानलाइ ङइ खोंयोंन् बिलै क्ल्हे तबर पिंब्मुँ।

उत्पत्ति 2:14

झाइले अर्को स्‍योंए मिं टाइग्रिस ग। चु स्‍यों अश्‍शुरए स्यारउँइँ बग्दिम्। धै अर्को स्‍योंए मिं यूफ्रेटिस ग।

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 26:4

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ।

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 35:12

अब्राहाम नेरो इसहाकलाइ पिंबै ह्‍युल ङइ क्हिलाइ पिंब्मुँ। धै क्हिए लिउँइँ खबै सन्तानलाइ ङइ च ह्‍युल पिंब्मुँ।”

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 105:11

खीजी याकूबने च क्ह्रोंसेंन्बै निसाफ बनेइ, छले इस्राएलने खोंयोंन् बिलै तरिबै बाछा खीजी फैइ।

प्रस्थान 13:11

“याहवेहजी क्हेमैं नेरो क्हेमैंए खेमैंने कसम चसि क्रें (बाछा) लब् धोंले कनानीमैंए ह्‍युलर क्हेमैंलाइ बोसि च ह्‍युल क्हेमैंलाइ पिंसि।

प्रस्थान 2:24

परमेश्‍वरजी चमैंए प्ल्हाबै सो हेंबै प्राथना थेइ, धै अब्राहाम, इसहाक नेरो याकूबने ह्रोंसइ फैबै बाछा मैंइ।

प्रस्थान 23:23

ङए दूत क्हेमैंए ओंसो-ओंसो ह्‍यासि एमोरी, हित्ती, परिज्जी, कनानी, हिव्‍वि नेरो यबूसीमैंए ह्‍युलर क्हेमैं सथेंनेब्मुँ, धै ङइ चमैंए मिं क्ह्रन् मेटिमिंब्मुँ।

प्रस्थान 3:8

छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

प्रस्थान 34:11

ङइ क्हिने बिबै ताँ म्हाँदिद्। ङइ क्हिए उँइँर्न एमोरी, कनानी, हित्ती, परिज्जी, हिव्वी नेरो यबूसीमैं ल्हाब्मुँ।

प्रस्थान 34:24

ङइ ह्रें-ह्रेंमैं क्हेमैं ङाँइँले ह्रेंगो ल्हामिंसि क्हेमैंए साँदमैं बडिमिंब्मुँ। क्हेमैं बर्षर सोंखे ह्रोंसए याहवेह परमेश्‍वरए उँइँर चाड म्हाँदिबर ह्‍याइ बिस्याँ खाबज्यै या क्हेमैंए क्ल्ह्‍यो लोब लरिब् आरे।

प्रस्थान 6:4

चमैं आगुए ह्‍युलर ह्‍यासि टिबै कनान बिबै ह्‍युल ङइ चमैंलाइ पिंम् बिसि चमैंने बाछा फैइ।

प्रस्थान 6:8

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।”

चेला चिब्मैंए केमैं 7:5

च त्हेर परमेश्‍वरजी चलाइ चु ह्‍युलर धिं नाँ तोइ आपिंल, प्हले म्हैबै क्ल्ह्‍यो या आपिंल। च्हमा चला प्हसेमैं आतलेया परमेश्‍वरजी खीने ‘चु ह्‍युल ङइ क्हिए सन्तान्‍मैं पिंब्मुँ’ बिसि बाछा फैल।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

दर्शन 9:14

च कैइ च थुतुरु ह्राबै स्वर्गदूतने “यूफ्रेटिस बिबै थेबै स्‍योंर च्‍युँइँथेंबै दूत प्लि पिवाद्,” बिइ।