उत्पत्ति 15:16 - परमेश्‍वरए ताँ तमु क्युइर

¹⁶ पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

उत्पत्ति 15:16 ပူးပေါင်းရင်းမြစ်များ

उत्पत्ति 10:16

झाइले कनानउँइँले हित्ती, यबूसी, एमोरी, गिर्गाशी,

उत्पत्ति 15:13

च लिउँइँ याहवेहजी अब्रामने बिइ, “क्हिए प्हसेमैं आगुए ह्‍युलर बसैं ह्‍यासि टिब्मुँ, च ह्‍युलर्बै म्हिमैंए केब्छैंमैं तब्मुँ, छले प्लिब्ब्रा बर्ष समा चमैंइ ल्हें दुःख योंल् त्हुब्मुँ बिसि खैलसेया मैंथेंन्।

उत्पत्ति 48:21

झाइले याकूबइ योसेफने बिइ, “तारे ङ सिबै त्हे तइमुँ, दिलेया परमेश्‍वर क्हेमैंने बालु तरिब्मुँ, धै क्हेमैंए खेमैं-मामैंए ह्‍युलर धबै क्हेमैंलाइ एबोब्मुँ।

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 105:43

खीजी ह्रोंसइ त्हाँबै म्हिमैंलाइ सैं तोंन् लदै जयजय बिदै ओरदै पखइ।

प्रस्थान 12:40

इस्राएलीमैं मिश्रर प्लिब्रासे सोंच्यु बर्ष समा टिल।

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:4

आबीब म्हैंनर्बै तिंयाँबै त्हिंइर क्हेमैं मिश्र ह्‍युलउँइँले त्होंइ ह्‍यासिन् मुँ।

१ थेसलोनिकी 2:16

अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।