उत्पत्ति 15:13 - परमेश्‍वरए ताँ तमु क्युइर

¹³ च लिउँइँ याहवेहजी अब्रामने बिइ, “क्हिए प्हसेमैं आगुए ह्‍युलर बसैं ह्‍यासि टिब्मुँ, च ह्‍युलर्बै म्हिमैंए केब्छैंमैं तब्मुँ, छले प्लिब्ब्रा बर्ष समा चमैंइ ल्हें दुःख योंल् त्हुब्मुँ बिसि खैलसेया मैंथेंन्।

उत्पत्ति 15:13 ပူးပေါင်းရင်းမြစ်များ

उत्पत्ति 15:16

पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

उत्पत्ति 17:8

क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 47:4

कनान ह्‍युलर बेल्‍ले थेबै अँङ्गल् तबइले क्हिए केब्छैंमैंइ र-क्यु छबै क्ल्ह्‍यो आयों। छतसि ङि चु ह्‍युलर्न टिबर खइमुँ। यो छ्युँ लमुँ ङि क्हिए केब्छैंमैंइ गोशेन ह्‍युलर टिल् योंरिगे।”

भजनमैं 105:42

ह्रोंसए के लबै म्हि अब्राहामने फैबै पबित्र बाछा खीजी चिइ।

प्रस्थान 1:11

छतसि मिश्रीमैंइ इस्राएलीमैंलाइ बेल्‍ले गारो के ल्हैदिबै चिब्मैं त्हाँइ। धै चमैंइ फारोए ल्हागिर पिताम नेरो रामसेस बिबै म्ल्ह नारिमै खुथेंबै सहरमैं बनेइ।

प्रस्थान 1:13

छतमा मिश्रीमैंइ इस्राएलीमैंलाइ खैच्हिजिले के लबर ल्हैदिइ।

प्रस्थान 1:14

मसला नेरो इटा बनेब धै म्रोर्बै ताँन् खालर्बै केब्छैंमैंइ लबै केमैं लबर ल्हैदिसि चमैंए छ्ह ककाँ क्युँक्युँ ङ्हाँन् लइ।

प्रस्थान 2:24

परमेश्‍वरजी चमैंए प्ल्हाबै सो हेंबै प्राथना थेइ, धै अब्राहाम, इसहाक नेरो याकूबने ह्रोंसइ फैबै बाछा मैंइ।

प्रस्थान 22:21

“आगुए ह्‍युलर्बै म्हिमैंलाइ दुःख आपिंन्, धै न्होह्रों या आलद, तलेबिस्याँ क्हेमैं या मिश्रर परदेशि मुँल।

प्रस्थान 23:9

“आगुए ह्‍युलर्बै म्हिमैंलाइ दुःख आपिंन्। क्हेमैं मिश्रर परदेशि तसि टिबइले आगुए ह्‍युलर टिब्मैंए सैं खैतब् तम् बिसि क्हेमैंइ सेइमुँ।

प्रस्थान 3:10

छतसि तारे क्हि ह्‍यासि ङए इस्राएली म्हिमैं मिश्रउँइँले तेसि पखबर ङइ क्हि फारो म्रुँ ङाँर कुलसिन् मुँ।”

प्रस्थान 3:17

ङइ क्हेमैंलाइ मिश्रर्बै दुःखउँइँले ‍तेसि छ्याँब नेरो थेबै ह्‍युलर अथवा ङ्‍हे नेरो खुदु ल्हेंयाबै ह्‍युलर पखबर ङइ बाछा लइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।’

प्रस्थान 3:8

छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

चेला चिब्मैंए केमैं 7:17

“झाइले परमेश्‍वरजी अब्राहामने फैबै बाछाए त्हे तखमा मिश्र ह्‍युलर ङ्योए इस्राएली म्हिमैं बडिदै ह्‍यासि ल्हें तइ।

गलाती 3:17

ङइ बिल् म्हैबै ताँ चुन् ग: परमेश्‍वरजी अब्राहामने फैबै बाछा प्लिब्रासे सोंच्‍यु बर्ष लिउँइँ पिंबै ठिमइ प्लिंल् आखाँ, आस्याँ बाछा केर आफेब् तयामल।