उत्पत्ति 14:18 - परमेश्‍वरए ताँ तमु क्युइर

¹⁸ च लिउँइँ शालेमर्बै मल्कीसेदेक म्रुँ या क्हें नेरो अँगुरए प्हा किंसि अब्राम ङाँर खइ। च ताँन् भन्दा थेबै परमेश्‍वरए खेगि मुँल।

उत्पत्ति 14:18 ပူးပေါင်းရင်းမြစ်များ

भजनमैं 104:15

अँगुरए प्हाइ म्हिमैंए सैं तोंन् लब्मुँ, छ्युगुइ म्हिमैंए लि वाँ-वाँ ब्योंल् लब्मुँ धै म्हिमैंए खों भोंब् लबर खीजी क्हें पिंम्।

भजनमैं 110:4

“मल्किसेदेकए पदरि क्हि खोंयोंन् बिलै खेगि तब्मुँ,” बिसि याहवेहजी कसम चइमुँ। खीए सैं फेर्दिरिब् आरे।

भजनमैं 50:14

बरु ङलाइ धन्यबाद पिंसि ङए मिं क्वेद्! चुन् पिंल् त्हुबै ख्रो ग। धै ताँन् भन्दा थेबै परमेश्‍वए मिंर लबै भकल पूरा लद्।

भजनमैं 57:2

ङए ल्हागिर तोन्दोंरि लमिंबै ताँन् भन्दा थेबै परमेश्‍वरनेन् ङइ ग्वार ह्रिइमुँ।

भजनमैं 7:17

याहवेहजी ठिक निसाफ लम्, छतसि ङ खीलाइ धन्यबाद पिंम्, धै ताँन् भन्दा थेबै याहवेहए मिंर ङ क्वे प्रिंब्मुँ।

भजनमैं 76:2

यरूशलेमर खीए तम्बु मुँ, खी टिबै क्‍ल्‍ह्‍यो सियोन बिबै कोंर मुँ।

भजनमैं 76:3

चर शत्तुरमैंए लुँरिबै मेमैं, ढालमैं, सेलाँ नेरो ल्हडें लमा छेबै हतियारमैं खीजी चोवाइ। तिस्याँदे मैंन्

चेला चिब्मैंए केमैं 16:17

च पावल नेरो ङिए लिलि खसि, “चु म्हिमैं धाँसे थेबै परमेश्‍वरए सेवा लब्मैं ग। चुमैंइ क्हेमैं मुक्‍ति योंबै घ्याँ बिमिंरिमुँ,” बिदै ओरइ।

चेला चिब्मैंए केमैं 7:48

“दिलेया म्हिमैंए योइ बनेबै धिंमैंर धाँसे थेबै परमेश्‍वर आटि। अगमबक्‍ताइ छलेन बिइमुँ,

गलाती 6:10

छतसि मौका योंन् समा ङ्योइ ताँन् म्हिमैंलाइ ल्होबै केमैं लरिले, खासगरि बिश्‍वासी अलि-अङाँमैंलाइ ल्होले।

हिब्रू 5:10

छतसि मेल्‍किसेदेक ख्रो पिंबै खेगि क्रथे तब् धोंले परमेश्‍वरजी येशूलाइ खेगि क्रथे तबर त्हाँइ।

हिब्रू 5:6

अर्को क्‍ल्‍ह्‍योरै या परमेश्‍वरजी छ बिइमुँ, “मल्‍किसेदेक ख्रो पिंबै खेगि तब् धोंले क्हि खोंयोंइ बिलै खेगि तब्‍मुँ।”

हिब्रू 6:20

चर मल्‍किसेदेक ख्रो पिंबै खेगि क्रथे तब् धोंले ङ्योए ल्हागिर येशू खेगि क्रथे तसि स्वर्गर फेनेल् खाँइमुँ।

हिब्रू 7:1

चु मल्‍किसेदेक शालेम बिबै सहरर्बै म्रुँ नेरो ताँन् भन्दा थेबै परमेश्‍वरए मिंर ख्रो पिंबै खेगि मुँल। अब्राहामइ म्रुँमैंलाइ ट्होइ एखमा मेल्‍किसेदेकइ चने त्‍होसि आशिक पिंल।

रूथ 3:10

बोहजइ बिइ, “याहवेहजी क्हिए फिर आशिक पिंरिगे। क्हि ढुक्‍का तद्, क्हिइ स्युमिलाइ लबै म्हाँया भन्दा चु ताँ थेब् मुँ, तलेबिस्याँ प्लब, ङ्हाँब फ्रेंसिमैं खाबने या क्हि आल्हैदि।