उत्पत्ति 13:7 - परमेश्‍वरए ताँ तमु क्युइर

⁷ छतमा अब्राम नेरो लोतए खेदो छब्मैंए न्होंरि प्होंगि तइ। च त्हेर कनानीमैं नेरो परिज्जीमैं या च ह्‍युलर टिमल।

उत्पत्ति 13:7 ပူးပေါင်းရင်းမြစ်များ

उत्पत्ति 10:19

छतसि कनान ह्‍युलए साँदा सिदोनउँइँले न्हुउँइँ (दक्षिणउँइँ) गरार ह्‍याबै घ्याँउँइँ गाजा समा धै सदोम, गमोरा, अदमा नेरो सबोयिम ह्‍याबै घ्याँउँइँ तसि लाशा समा मुँल।

उत्पत्ति 12:6

अब्राम च ह्‍युलर फेसि च ह्‍युलजरे प्र-प्रइ ह्‍यामा शकेमर मुँबै मोरेए चोखो सिंधुँ मुँबै क्ल्ह्‍योर फेइ। च त्हेर च क्ल्ह्‍योर कनानीमैं टिमल।

उत्पत्ति 21:25

दिलेया अबीमेलेक म्रुँए केब्छैंमैंइ खैच्हिजी लसि प्हेंवाबै क्यु खाँदुए बारेर अब्राहामइ अबीमेलेकने ताँ लइ।

उत्पत्ति 26:20

दिलेया गरारर्बै प्ह्रोंछैंमैंइ “चु क्यु ङिल् ग” बिसि इसहाकए प्ह्रोंछैंमैंने प्होंबर होंइ। छतसि इसहाकइ च क्यु खादुए मिं “एसेक” बिब् थेंइ। तलेबिस्याँ चमैं प्होंरिल।

उत्पत्ति 34:30

झाइले याकूबइ शिमियोन नेरो लेबीने बिइ, “कनानी नेरो परिज्जीथेंमैंए उँइँर क्हेमैंइ ङ खाबज्यै आखोब नेरो आक्वेंब लमिंसि दुःख योंल् लमिंइ। ङए म्हिमैं च्युगुदे मुँ। खनिज्यै चुर्बै म्हिमैं ताँन् त्हुँसि ङने नेखस्याँ ङ नेरो ङए परवामैं ताँन् सैवाब्मुँ।”

उत्पत्ति 46:34

छले ङ्योएमा ‘क्हिए केब्छैंमैं ङि आबा-च्हमैं ताँन् कोलोउँइँले तोगो समा खेदोमैं न्हब्मैं ग,’ बिद्। छ बिस्याँ क्हेमैं गोशेनर टिल् योंब्मुँ। तलेबिस्याँ मिश्रीमैं ताँनइ प्ह्रोंछैंमैंलाइ हेल् लम्।”

प्रस्थान 2:17

च त्हेर्न कोइ प्ह्रोंछैंमैं खसि च च्हमिरिमैं ल्हाबर होंइ। दिलेया मोशा रेसि चमैंलाइ ल्होमिंसि चमैंए र-क्युमैं क्यु थुँल् पिंइ।

हितोपदेश 20:3

प्होंगि आमिबै म्हिलाइ ताँनइ खोम्; दिलेया आमादुमैंइ प्होंगि मिबै ताँ लम्।

मर्कूस 3:25

छलेन धिं घ्रिर्बै म्‍हिमैं या आक्‍ह्रिस्‍याँ च धिं लिउँइँ समा टिक्दिल् आखाँ।

१ कोरिन्थी 3:3

क्‍हेमैं अझै परमेश्‍वरए फिर बिश्‍वास आलब्मैं धोंबन् मुँ। तलेबिस्याँ क्‍हेमैं ह्रों-ह्रोंसए न्होंर्न ह्रिस लब, प्होंगि कैगि लब तसेरो क्हेमैं परमेश्‍वरए फिर बिश्‍वास आलब्मैं धोंन् तइ, आङिं वा?

गलाती 5:20

कु पूजा लब, मन्‍त्र-तन्‍त्र लब, आगुए न्होह्रों लब, प्होंगि कैगि लब, आगुए फिर ह्रिस लब, आगुल छ्याँब तरिगे आङ्हाँब, आक्ह्रिल् लब, आक्ह्रिसि टोलि-टोलि तब,

कलस्सी 4:5

येशू ख्रीष्‍टए फिर बिश्‍वास आलब्मैंने न्ह क्रों मि क्रोंले प्रद्। धै क्‍हेमैंइ मौका योंमा प्रभुए सैं तोंन् लबै केमैं लद्।

१ थेसलोनिकी 4:12

क्हेमैंइ छ लस्याँ बैरुबै म्हिमैंउँइँले मान योंब्मुँ धै आगुए भरर टिल् आत्हु।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

याकूब 3:16

तलेबिस्याँ म्हिमैंइ आगुए फिर ह्रिस लब, खोंसि ल्हें किंल् म्‍हैस्याँ चर सैं आक्ह्रिसि म्हिमैंइ दुष्‍ट केमैं लम्।

याकूब 4:1

क्‍हेमैंए न्‍होंरि प्होंगि कैगि खनिउँइँले खमुँ? च ताँन् केमैं सयल थोदा ङ्हाँबै सैंउँइँले खम्, आङिं वा? छाबै सयल थोबै ताँ क्‍हेमैंए सैंर खोंयोंइ बिले तरिम्।

१ पत्रुस 2:12

बरु क्‍हेमैं येशूए फिर बिश्‍वास आलब्‍मैंए उँइँर छ्याँबै छ्ह थोद्। म्हिमैंइ क्‍हेमैंलाइ आछ्याँबै के लब्मैं बिसि क्हेमैंए बिरोधर पोंलेया क्हेमैंए छ्याँबै के चमैंइ म्रोंरिगे धै प्रभु येशू युबै त्हिंइर चमैंइ परमेश्‍वरए मिं क्वेरिगे।