उत्पत्ति 13:2 - परमेश्‍वरए ताँ तमु क्युइर

² अब्राम बेल्‍ले प्लबै म्हि मुँल तलेबिस्याँ चने खेदोमैं मारा-चाँदिमैं ल्हें मुँल।

उत्पत्ति 13:2 ပူးပေါင်းရင်းမြစ်များ

उत्पत्ति 12:16

साराई बेल्‍ले छ्याँब म्रोंसि फारो म्रुँइ अब्रामलाइ छेन् लसि र-क्युमैं, म्येमैं, केब्-केब्स्योमैं, गधामैं नेरो सलुमैं पिंइ।

उत्पत्ति 13:6

चमैंए र-क्युमैं नेरो खेदोमैं ल्हें तसि चमैं ङ्हिंए खेदोमैंए ल्हागिरि च ह्‍युलर्बै छिइ आयो। छतसि चमैं बालु टिल् आखाँब् तइ।

उत्पत्ति 24:1

अब्राहामए छ्ह ल्हें तसि खेब् तयाल् खाँल। याहवेहजी अब्राहामए तोन्दोंरि सैर आशिक पिंल।

उत्पत्ति 24:35

याहवेहजी ङए क्ल्हेए फिर ल्हें आशिक पिंबइले च बेल्‍ले थेबै म्हि तइमुँ। याहवेहजी चलाइ ल्हें र-क्युमैं, मेमैं क्लामैं, मारा, चाँदि, केब्छैं, केब्स्योमैं, सलुमैं नेरो गधामैं पिंइमुँ।

उत्पत्ति 26:14

चल ल्हें र-क्युमैं, मे-क्ल्हामैं नेरो केब्छैं-केब्स्योमैं तब् म्रोंसि पलिश्तीमैंइ चए फिर ह्रिस लबर होंइ।

उत्पत्ति 30:43

छले याकूब बेल्‍ले प्लब तइ। चल र-क्युमैं, सलु, गधामैं या ल्हें तइ केब्छैं-केब्स्योमैं या ल्हें तइ।

हितोपदेश 10:22

याहवेहए आशिकइ क्हि प्लब तम्, धै क्हिए फिर दु:ख तल् पिंरिब् आरे।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।