उत्पत्ति 13:15 - परमेश्‍वरए ताँ तमु क्युइर

¹⁵ क्हिइ म्रोंबै ताँन् क्ल्ह्‍यो क्हि नेरो क्हिए सन्तानलाइ ङइ खोंयोंन् बिलै क्ल्हे तबर पिंब्मुँ।

उत्पत्ति 13:15 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 13:17

रेद्! ह्‍युलए खन्तोंदोंन् ह्‍याद्। तलेबिस्याँ ङइ चु ताँन् क्ल्ह्‍यो क्हिलाइ पिंब्मुँ।”

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

उत्पत्ति 18:18

अब्राहामउँइँले घ्रि थेब नेरो भोंबै ह्रें तब्मुँ। च ङाँइलेन् पृथ्‍बीर्बै ताँन् ह्रेंमैंइ आशिक योंब्मुँ।

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:14

क्हिए सन्तानमैं ह्‍युलर्बै स त्हुल् धोंलेन् ल्हें तब्मुँ। क्हिए सन्तान स्यार (पूर्व) छ्यो-न्हुँ (पश्‍चिम) च्योंबो (उत्तर) नेरो छ्यो ल्हुइ (दक्षिणाइ) खन्तोंदोंन् ल्हें तदै ह्‍याब्मुँ। क्हि नेरो क्हिए सन्तानउँइँले ह्‍युलर्बै ताँन् म्हिमैंइ आशिक योंब्मुँ।

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 35:12

अब्राहाम नेरो इसहाकलाइ पिंबै ह्‍युल ङइ क्हिलाइ पिंब्मुँ। धै क्हिए लिउँइँ खबै सन्तानलाइ ङइ च ह्‍युल पिंब्मुँ।”

उत्पत्ति 48:4

‘थेद्, ङइ क्हिलाइ छ्याँब् लमिंसि क्हिए सन्तानमैं ल्हें लमिंब्मुँ। क्हिउँइँलेन् ल्हें ह्रेंमैं लमिंब्मुँ, धै क्हिए च्ह क्वेंमैंन् चु ह्‍युलए फिर खोंयोंन् बिलैया क्ल्हे तल् पिंब्मुँ,’ बिसि खीजी ङलाइ आशिक पिंइ।”

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 37:22

याहवेहउँइँले आशिक योंब्मैंइ ह्‍युलए फिर क्ल्हे लब्मुँ, दिलेया खीउँइँले सराब योंब्मैं बिस्याँ नास तयाब्मुँ।

भजनमैं 37:29

ठिक के लबै म्हिमैंइ ह्‍युलर क्ल्हे तल् योंब्मुँ धै चर खोंयोंन् बिलै टिब्मुँ।

प्रस्थान 32:13

ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

प्रस्थान 33:1

याहवेहजी मोशाने बिइ, “क्हिए सन्तानलाइ पिंम् बिसि ङइ अब्राहाम, इसहाक नेरो याकूबने बाछा फैबै क्ल्ह्‍योर मिश्रउँइँले फखबै म्हिमैंने ह्‍याद्।

मत्ती 5:5

थेब् आप्‍हैंब्‍मैंइ आशिक योंब्मुँ, तलेबिस्याँ चमैंइ परमेश्‍वरउँइँले ह्‍युलर्बै हग योंब्‍मुँ।

चेला चिब्मैंए केमैं 7:5

च त्हेर परमेश्‍वरजी चलाइ चु ह्‍युलर धिं नाँ तोइ आपिंल, प्हले म्हैबै क्ल्ह्‍यो या आपिंल। च्हमा चला प्हसेमैं आतलेया परमेश्‍वरजी खीने ‘चु ह्‍युल ङइ क्हिए सन्तान्‍मैं पिंब्मुँ’ बिसि बाछा फैल।