उत्पत्ति 13:13 - परमेश्‍वरए ताँ तमु क्युइर

¹³ सदोमर्बै म्हिमैं दुष्‍टमैं मुँल। चमैंइ याहवेहजी आखोबै पाप केमैं लमल।

उत्पत्ति 13:13 ပူးပေါင်းရင်းမြစ်များ

उत्पत्ति 10:9

निम्रोद याहवेहए उँइँर बेल्‍ले छेनाले शिकार क्ल्योंल् ह्रमल। छतसि “चु म्हि निम्रोद धोंले बेल्‍ले छेन्ले शिकार क्ल्योंल् ह्रबै म्हि मुँन!” बिसि अहान् चल्दिइमुँ।

उत्पत्ति 15:16

पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

उत्पत्ति 18:20

धबै याहवेहजी बिइ, “सदोम नेरो गमोराए बिरोधर ल्हें ताँ रेइमुँ। तलेबिस्याँ चमैंइ ल्हें पाप लइमुँ।

उत्पत्ति 19:13

तलेबिस्याँ ङइ चु क्ल्ह्‍यो नास लवाम्। चु क्ल्ह्‍योर्बै म्हिमैंए आछ्याँबै ताँमैं स्वर्गर याहवेह ङाँर फेनेइमुँ। छतसि चु क्ल्ह्‍यो नास लवाबर खीजी ङि कुल्मिंब् ग।”

उत्पत्ति 38:7

दिलेया यहूदए च्ह थेब एरइ याहवेहए उँइँर आछ्याँबै के लमल छतसि याहवेहजी च सैवाइ।

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

उत्पत्ति 6:11

दिलेया पृथ्‍बीर खन्तोंदोंन् सैब् म्‍लोब् लब नेरो आछ्याँबै सैइ प्लिंब परमेश्‍वरजी म्रोंइ।

मत्ती 9:10

च लिउँइँ येशू मत्तीए धिंर चब् चरिमा रोमी म्रुँए ल्हागिर बालि रेब्‍मैं नेरो पापिमैं खसि येशू नेरो खीए चेलामैंने बालुन् चब् चबर टिइ।

मत्ती 9:13

क्‍हेमैं ह्‍यासि चु ताँए अर्थ तो मुँगे खेसि क्होद्, ‘ङ ख्रो आम्है, ल्हयो खब्मैं म्रोंसि ङ सैं तोंम्।’ धर्मि प्हैंब्मैंलाइ हुइबर ङ युब् आङिं, पापिमैं हुइबर युब् ग।”

यूहन्‍ना 9:24

छतमा चमैंइ च मि म्रोंल् खाबै म्हि धबै हुइसि बिइ, “परमेश्‍वरए मिं थेब् लद्। चु म्हि पापि ग बिसि ङिइ सेइमुँ।”

यूहन्‍ना 9:31

परमेश्‍वरजी पापिमैं ताँ आथे, दिलेया परमेश्‍वरने ङ्हिंसि खीए मान लब्‍मैं नेरो खीजी बिब् धोंले के लब्‍मैंए ताँ परमेश्‍वरजी थेम् बिसि ङ्योइ सेइमुँ।

रोमी 1:27

छलेन मुँयुँमैंज्‍यै या च्हमिरिमैंने लबै के पिसि घ्रिइ घ्रिए फिर सैं ह्‍यासि मुँयुँमैंइ मुँयुँमैंनेन् आछ्याँबै के लइ। झाइले चमैंइ खेंमैंए ज्युर्न लबै पापए सजैं योंइ।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।

यहूदाइ प्‍ह्रिबै प्ह्रिछ्या 1:7

धै सदोम, गमोरा नेरो चमैंए खागुबै सहरर्बै म्हिमैंलाइ मैंन्। चमैंइ ब्यभिचार लसि आतबै के लइ। छतसि खोंयोंइ आसिबै मिर दण्‍ड योंसि चमैं नमुना तइमुँ।