उत्पत्ति 13:11 - परमेश्‍वरए ताँ तमु क्युइर

¹¹ छतमा लोतइ यर्दनर्बै ताँन् ब्याँसि त्हाँसि स्यारउँइँ ह्‍याइ। छले चमैं ङ्हिं फ्रेयाइ।

उत्पत्ति 13:11 ပူးပေါင်းရင်းမြစ်များ

उत्पत्ति 13:10

लोतइ खन्तोंदोंन् ङ्ह्‍योमा क्यु ल्हें मुँबै यर्दन स्योंए ब्याँसि सोअर समा फेनब् म्रोंइ। च क्ल्ह्‍योर याहवेहजी बनेबै अदनए बगैंचा धोंन् तब नेरो मिश्र ह्‍युलर धोंले क्यु ल्हें मुँल। (चु ताँ याहवेहजी सदोम नेरो गमोरा बिबै सहर नास लब् भन्दा ओंसोंबै ताँ ग।)

उत्पत्ति 13:12

अब्राम कनान ह्‍युलर्न टिइ। लोत बिस्याँ ब्याँसिर्बै सहरजरे टिनेइ। चइ सदोम बिबै सहर समा ह्रोंसए तम्बु टौंउँदिसि टिइ।

उत्पत्ति 13:14

लोत अब्रामने फ्रेयाबै लिउँइँ याहवेहजी अब्रामने बिइ, “तारे क्हि मुँबै क्ल्ह्‍योउँइँले ताइ (उत्तर) माइ (दक्षिण) स्यार (पूर्व) नेरो छ्यो न्हु (पश्‍चिम) खन्तोंदोंन् ङ्‍ह्‍योद्।

उत्पत्ति 13:9

ङ्यो फ्रेयाल् त्हुम्। ङ्‍ह्‍योद्, ताँन् ह्‍युल क्हिए ओंसों मुँ। क्हि त्हर्ग्योउँइँ ह्‍यास्याँ ङ क्योलोउँइँ ह्‍यामुँ क्हि क्योलोउँइँ ह्‍यास्याँ ङ त्हर्ग्योउँइँ ह्‍याम्।”

उत्पत्ति 19:17

चमैं बैरु पखबै लिउँइँ स्वर्गदूत घ्रिइ बिइ, “क्हेमैंए ज्यु जोगेबर न्हेह्‍याद्, लिग्याँ तोसि आङ्ह्‍योद्, धै ब्याँसिर खनिरै आराद्। क्हेमैं आसिरिगे बिसि कोंउँइँ न्हे‍ह्‍याद्।”

भजनमैं 119:63

क्हिने ताँन् ङ्हिंब्मैंए थु ङ ग; ओं, क्हिजी ल्हैदिबै के ताँन् लब्मैंए थु ङ ग।

भजनमैं 16:3

इस्राएल ह्‍युलर्बै परमेश्‍वरए म्हिमैं बेल्‍ले कालदिब मुँ, चमैं म्रोंसि ङ सैं तोंरिम्।

हितोपदेश 27:10

ह्रोंसए थु नेरो ह्रोंसए आबाए थुलाइ आम्‍लेद्, धै क्हिए फिर दुःख तखमा ह्रेंगो मुँबै ह्रोंसए आघें अलिमैंए धिंर आह्‍याद्, तलेबिस्याँ ह्रेंगो मुँबै ह्रोंसए आघें अलिमैं भन्दा ह्रोंसए चेंदोंर्बै ङ्‍हेब्-ट्हुब्मैं ग्वार्दिब छ्याँब तम्।

हिब्रू 10:25

को-कोइल संगतिर आह्‍याबै बानि तम्, दिलेया प्रभु युबै त्हिंइ चेंदोन् मुँ बिब क्हेमैंइ सेबइले घ्रिइ घ्रिलाइ संगतिर ह्‍याल् त्हुम् बिदै ङ्यो ताँन् खागु तब आपिले।

१ पत्रुस 2:17

ताँन् म्‍हिमैंलाइ मान लद्। येशूए फिर बिश्‍वास लबै अलि अङाँमैंलाइ म्हाँया लद्, परमेश्‍वरने ङ्हिंन्, धै म्रुँलाइ मान लद्।