उत्पत्ति 13:10 - परमेश्‍वरए ताँ तमु क्युइर

¹⁰ लोतइ खन्तोंदोंन् ङ्ह्‍योमा क्यु ल्हें मुँबै यर्दन स्योंए ब्याँसि सोअर समा फेनब् म्रोंइ। च क्ल्ह्‍योर याहवेहजी बनेबै अदनए बगैंचा धोंन् तब नेरो मिश्र ह्‍युलर धोंले क्यु ल्हें मुँल। (चु ताँ याहवेहजी सदोम नेरो गमोरा बिबै सहर नास लब् भन्दा ओंसोंबै ताँ ग।)

उत्पत्ति 13:10 ပူးပေါင်းရင်းမြစ်များ

उत्पत्ति 11:27

तेरहए ताँमैं चुन् ग। अब्राहम, नाहोर नेरो हरानए आबा तेरह मुँल। धै हरानए च्ह लोत मुँल।

उत्पत्ति 13:11

छतमा लोतइ यर्दनर्बै ताँन् ब्याँसि त्हाँसि स्यारउँइँ ह्‍याइ। छले चमैं ङ्हिं फ्रेयाइ।

उत्पत्ति 13:9

ङ्यो फ्रेयाल् त्हुम्। ङ्‍ह्‍योद्, ताँन् ह्‍युल क्हिए ओंसों मुँ। क्हि त्हर्ग्योउँइँ ह्‍यास्याँ ङ क्योलोउँइँ ह्‍यामुँ क्हि क्योलोउँइँ ह्‍यास्याँ ङ त्हर्ग्योउँइँ ह्‍याम्।”

उत्पत्ति 14:2

धै चमैं सदोमर्बै बेरा म्रुँ, गमोरार्बै बिर्शा म्रुँ, अदमार्बै शिनाब म्रुँ, सबोयिमर्बै शेमेबेर म्रुँ नेरो बेलार्बै (अथवा सोअरर्बै) म्रुँए बिरोधर नेइ।

उत्पत्ति 14:8

च लिउँइँ सदोम, गमोरा, अदमा, साबोयिम नेरो बेलार्बै (अथवा सोअरर्बै) म्रुँमैं खागु तसि सिद्दिमए ब्याँसिर चमैंने नेबर तयार तइ।

उत्पत्ति 3:6

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

उत्पत्ति 47:6

मिश्र ह्‍युल क्हिए योर्न मुँ। चु ह्‍युलर्बै ताँन् भन्दा छ्याँबै क्ल्ह्‍योर क्हिए आबा नेरो आघें-अलिमैं टिल् पिंन्। चमैं गोशेन ह्‍युलर्न टिल् पिंन्। धै चमैं न्होंर सिपालु म्हिमैं मुँस्याँ चमैंए जिम्मार ङए खेदोमैं या कुल्मिंन्।”

उत्पत्ति 6:2

झाइले परमेश्‍वरए च्हमैंइ म्हिमैंए च्‍हमिमैं छ्याँब् म्रोंसि ह्रों-ह्रोंसइ खोबै प्ह्रेंस्योमैं पखइ।

भजनमैं 107:34

धै मलिलो सलाइ चज ङ्हाँबै ह्रुखो लमिंइ। चर टिबै म्हिमैंइ आछ्याँबै केमैं लबइले छ तब् ग।