उत्पत्ति 12:18 - परमेश्‍वरए ताँ तमु क्युइर

¹⁸ छतमा फारो म्रुँइ अब्रामलाइ हुँइसि बिइ, “क्हिइ ङने चु तो लल? चु च्हमिरि क्हिए प्ह्रेंस्यो ग बिसि क्हिइ ङने तले आबिल?

उत्पत्ति 12:18 ပူးပေါင်းရင်းမြစ်များ

उत्पत्ति 12:19

‘चु ङए अङाँ ग’ बिसि क्हिइ तले बिल? छतसि ङए प्ह्रेंस्यो लबर चलाइ ङइ बोल। ङ्‍ह्‍योद्! क्हिए प्ह्रेंस्यो चुर्न मुँ बोइ ह्‍याद्!”

उत्पत्ति 20:3

दिलेया म्हुँइँसर परमेश्‍वर अबीमेलेक ङाँर म्होंडर युसि बिइ, “थेद्, च च्हमिरि आगुए प्ह्रेंस्यो ग! छतसि क्हिइ चलाइ पखस्याँ क्हि सियाब्मुँ।”

उत्पत्ति 29:25

याकूबइ न्हाँगर ङ्ह्‍योमा लेआ ग मुँन। छतमा चइ लाबानने बिइ, “क्हिइ ङने तले छ लल? ङइ राहेल ब्ह्‍या लबर क्हिए के लब आङिं वा? क्हिइ तले ङने छले स्योर तेल?”

उत्पत्ति 3:13

छतमा याहवेह परमेश्‍वरजी च्हमिरिने “क्हिइ तले छ लल?” बिमा च्हमिरिइ बिइ, “प्हुरिइ ङने ‘तोइ आत! च रो चलेन् तम्’ बिसि स्योर तेइ। छतसि ङइ चइ।”

उत्पत्ति 31:26

झाइले लाबानइ याकूबने बिइ, “क्हिइ ङ छल्दिसि ङए च्हमिमैं ल्हडेंउँइँले क्हा पखब्मैं धोंले पखब तले जा छ लब?

उत्पत्ति 4:10

याहवेहजी बिइ, “क्हिइ छाबै आछ्याँबै के तले लल? क्हिए अलिए कोइ सउँइँले ङने ग्वार ह्रिरिइमुँ।

उत्पत्ति 44:15

योसेफइ चमैंने बिइ, “क्हेमैंइ छाबै के तले लल? आसेल्‍ले लबै के ङ धों तबै म्हिइ सेम् बिसि क्हेमैंइ आसेल् वा?”

प्रस्थान 32:21

च लिउँइँ मोशाइ हारूनने बिइ, “चु म्हिमैंइ क्हिलाइ तो लइ? क्हिइ चुमैंलाइ तले च्हौ थेबै पाप के लबर ल्हैदिब?”

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।