उत्पत्ति 12:10 - परमेश्‍वरए ताँ तमु क्युइर

¹⁰ झाइले च कनान ह्‍युलर थेबै अँङ्गल तसि अब्राम मिश्र ह्‍युलर टिबर ह्‍याइ।

उत्पत्ति 12:10 ပူးပေါင်းရင်းမြစ်များ

उत्पत्ति 41:56

मिश्र ह्‍युल तिंगोंन् अँङ्गल तइ, झाइले योसेफइ ताँन् धनसारमैं थोंसि मिश्रीमैंने रा-रोमैं चुँबर होंइ। तलेबिस्याँ मिश्र ह्‍युल तिंगोंन् बेल्‍ले थेबै अँङ्गल् तल।

उत्पत्ति 41:57

पृथ्‍बी तिंगोंन् थेबै अँङ्गल् तल। छतसि ताँन् ह्‍युलर्बै म्हिमैं मिश्रर योसेफ ङाँर रा-रोमैं किंबर खइ।

उत्पत्ति 42:5

छले याकूबए च्हमैं अरू म्हिमैंने बालु म्‍ल्ह-नारिमैं किंबर ह्‍याइ। तलेबिस्याँ कनान ह्‍युलरै या अँङ्गल् तल।

उत्पत्ति 43:1

कनान ह्‍युलर ङ्हिंन् ङ्हाँबै अँङ्गल् तल।

उत्पत्ति 47:13

बेल्‍ले थेबै अँङ्गल् तबइले ह्‍युलर चबै सैमैं तोइ आरेल। अंङ्गलइ लमा मिश्र नेरो कनान ह्‍युल ङ्हिंर्बै म्हिमैं चल् आयोंल।

भजनमैं 105:13

चमैं घ्रि ह्‍युलउँइँले अर्को ह्‍युलर, धै घ्रि क्ल्ह्‍योउँइँले अर्को क्ल्ह्‍योर स्युर प्रमल।

भजनमैं 107:34

धै मलिलो सलाइ चज ङ्हाँबै ह्रुखो लमिंइ। चर टिबै म्हिमैंइ आछ्याँबै केमैं लबइले छ तब् ग।

भजनमैं 34:19

ठिक के लबै म्हिए फिर ल्हें दुःखमैं खमुँ, दिलेया याहवेहजी चए ताँन् दुःखउँइँले फ्रेमिंम्।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

चेला चिब्मैंए केमैं 7:11

च लिउँइँ कनान नेरो मिश्र ह्‍युल तिगोंन् अङ्गल् तसि थेबै दुःख तइ, धै ङ्योए खेमैंइ चबै सैमैं तोइ आयोंल।

रूथ 1:1

ल्हें त्हे ओसों निसाफ लबै म्हिमैंइ ग्याल्स त्हेजरे यहूदा ह्‍युलर थेबै अँगल् तइ। छतसि यहूदार्बै बेथलेहेम नाँसउँइँले म्हि घ्रि ह्रोंसए प्ह्रेंस्यो नेरो च्ह ङ्हिं किंसि मोआबी ह्‍युलर टिबर ह्‍याइ।