उत्पत्ति 12:1 - परमेश्‍वरए ताँ तमु क्युइर

¹ याहवेहजी अब्रामने बिइ, “क्हिए ह्‍युल, क्हिए ङ्‍हेब्-ट्हु नेरो क्हिए आबाए धिंउँइँले त्होंसि ङइ तेंबै ह्‍युलर ह्‍याद्।

उत्पत्ति 12:1 ပူးပေါင်းရင်းမြစ်များ

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

उत्पत्ति 20:13

परमेश्‍वरजी ङलाइ ङए आबाए धिं पिसि आगुए ह्‍युलर क्याइ-माइ स्युरइ प्रब लमिंइ। छतसि ङइ साराने ‘गार् आम्हाँदिल्‍ले क्हिइ म्हिमैंने बालु चु ङए आघें ग बिद् ओ’ बिसि ङइ बिल।”

उत्पत्ति 24:38

‘बरु ङए ङेंमैं नेरो ङए आबाए धिंर ह्‍यासि ङए च्हए ल्हागिरि प्ह्रेंस्यो घ्रि पखमिंन्।’

उत्पत्ति 24:4

बरु ङए ह्‍युलर ङए ङेंमैं ङाँर ह्‍यासि ङए च्ह इसहाकल प्ह्रेंस्यो घ्रि पखमिंन्।”

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 26:2

तलेबिस्याँ याहवेहजी इसहाक ङाँर युसि बिइ, “क्हि मिश्र ह्‍युलर आह्‍याद्! ङइ क्हिने टिद् बिबै ह्‍युलर्न टिद्।

२ कोरिन्थी 6:17

छतसि याहवेहजी छ बिइमुँ: “क्‍हेमैं च आछ्याँबै म्‍हिमैंए म्हाँजोउँइँले त्होंइ खो, क्‍हेमैं चमैं ङाँइले स्‍यो तल् त्‍हुम्। पापर च्होवाबै सैमैं आछुइद्, झाइले ङइ क्‍हेमैं ङ ङाँर खल् पिंस्‍यो।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

दर्शन 18:4

धबै स्‍वर्गउँइँले छ बिबै कै ङइ थेइ, “ओ ङए म्‍हिमैं, खो! च सहरउँइँले त्‍होंसि चुर खो। चए फिर तखबै थेबै दुःख क्‍हेमैंइ नोल् आत्‍हुरिगे चइ लबै पापर चने बालु आप्रद्।