उत्पत्ति 11:9 - परमेश्‍वरए ताँ तमु क्युइर

⁹ छतसि च क्ल्ह्‍योए मिं बाबेल थेंमिंइ। तलेबिस्याँ याहवेहजी चर्न ताँन् पृथ्‍बीर्बै क्युइ खलबल लवाल। च क्ल्ह्‍योउँइँलेन् चमैं पृथ्‍‍बि तिंगोंन् प्हुँमिंइ।

उत्पत्ति 11:9 ပူးပေါင်းရင်းမြစ်များ

उत्पत्ति 10:10

ओंसों निम्रोदए ग्याल्सर बाबेल, एरेक, अक्‍कद नेरो कल्नेह बिबै सहरमैं मुँल। चु सहरमैं शिनार बिबै ह्‍युलर मुँ।

उत्पत्ति 10:20

हामए च्हमैंए खेमैं, चमैंए क्युइमैं, ह्‍युल नेरो ह्रेंमैं चुन् ग।

उत्पत्ति 10:25

एबेरइ च्ह ङ्हिं योंइ। घ्रिए मिं पेलेग मुँल। तलेबिस्याँ चए पलोर्न पृथ्‍बीर्बै म्हिमैं स्यो-स्योबै क्ल्ह्‍योर टिनेइ। पेलेगए अलिए मिं योक्‍तान मुँल।

उत्पत्ति 10:5

चुमैंउँइँलेन् मा ङ्युँइए छ्योगोर टिब्मैंए ह्‍युलर ताँनल ह्रोंसए क्युइर नेरो ह्रोंसए ह्रें-ह्रेंर ख्याँयाइ।

भजनमैं 55:9

दुष्‍टमैंइ सहरजरे प्होंब् नेब् नेरो सैब् म्‍लोबै केमैं लब मत्‍त्रे ङइ म्रोंइमुँ, छतसि ओ प्रभु, चमैंए क्युइ घ्रिइ पोंब घ्रिइ आक्होब लवाद्।

चेला चिब्मैंए केमैं 17:26

खीजी म्‍हि घ्रिउँइँले ल्हें ह्रेंमैं बनेसि पृथ्बी तिगोंन् टिल् पिंइ। धै म्हिमैं चु पृथ्‍बीर सोबै त्हे निबै टिबै क्ल्ह्‍योए साँदमैं या ओंसों ओंनोंन् तोक्दिमिंइमुँ।

१ कोरिन्थी 14:23

छतसि बिश्‍वासीमैं खागु तमा क्‍हेमैं ताँनइ आक्होबै क्युइर पोंइबिस्‍याँ, चर परमेश्‍वरए फिर बिश्‍वास आलब्‍मैं अथवा च क्युइ आक्होब्मैं खइबिस्याँ चमैंइ क्‍हेमैंने सोबालमैं आबि रो वा?