उत्पत्ति 11:8 - परमेश्‍वरए ताँ तमु क्युइर

⁸ छले याहवेहजी च क्ल्ह्‍योउँइँले चमैं ह्‍युल तिगोंन् प्हुँमिंइ। छ लवामा चमैंइ च सहर बनेब पिवाइ।

उत्पत्ति 11:8 ပူးပေါင်းရင်းမြစ်များ

उत्पत्ति 10:25

एबेरइ च्ह ङ्हिं योंइ। घ्रिए मिं पेलेग मुँल। तलेबिस्याँ चए पलोर्न पृथ्‍बीर्बै म्हिमैं स्यो-स्योबै क्ल्ह्‍योर टिनेइ। पेलेगए अलिए मिं योक्‍तान मुँल।

उत्पत्ति 10:32

नोआए च्हमैंए खेमैं चमैंए ह्रों-ह्रोंसए ह्रेंमैं चुमैंन् ग। नाँ बाडि तबै लिउँइँ चुमैंउँइँलेन् पृथ्बीरि ह्रें-ह्रें स्यो-स्यो तसि खन्तोंदोंन् ख्याँयाइ।

उत्पत्ति 10:5

चुमैंउँइँलेन् मा ङ्युँइए छ्योगोर टिब्मैंए ह्‍युलर ताँनल ह्रोंसए क्युइर नेरो ह्रोंसए ह्रें-ह्रेंर ख्याँयाइ।

उत्पत्ति 11:4

झाइले चमैंइ बिइ, “ल्हु, ङ्यो ह्रोंसए ल्हागिर सहर घ्रि नेरो स्वर्ग समा फेनेबै नुबै धररा घ्रि बनेसि। ह्रोंसए मिं थेंले। धै ङ्यो पृथ्बीर खनिरै आप्हुँले।”

उत्पत्ति 11:9

छतसि च क्ल्ह्‍योए मिं बाबेल थेंमिंइ। तलेबिस्याँ याहवेहजी चर्न ताँन् पृथ्‍बीर्बै क्युइ खलबल लवाल। च क्ल्ह्‍योउँइँलेन् चमैं पृथ्‍‍बि तिंगोंन् प्हुँमिंइ।

उत्पत्ति 49:7

चमैंए ह्रिस फिर सराप खरिगे, तलेबिस्याँ चने दयाम्हाँया आरे। ङइ चमैंलाइ इस्राएल तिगोंन् प्हुँवाब्मुँ, धै चमैंलाइ सग्याँ प्हुग्याँ लवाब्मुँ।

भजनमैं 33:10

अरू ह्रेंमैंइ लबै आछ्याँबै चाँजोमैं याहवेहजी फुवाम्, चमैंइ लल् म्हैबै आछ्याँबै केमैं खीजी तल् आपिं।

भजनमैं 92:9

ओ याहवेह, क्हिए शत्तुरमैं क्ह्रोंसेंन्ले नास तब्मुँ; दुष्‍ट म्हिमैं ताँन् सग्याँ प्हुग्याँ तयाब्मुँ।

लूका 1:51

खीजी ह्रोंसए भोंबै योजी थेबै केमैं लइँमुँ, सैं न्हों-न्हों छलम् छुलम् बिसि थेब् प्हैंब्मैंलाइ सग्याँ-प्हुग्याँ लवाइमुँ।