उत्पत्ति 10:32 - परमेश्‍वरए ताँ तमु क्युइर

³² नोआए च्हमैंए खेमैं चमैंए ह्रों-ह्रोंसए ह्रेंमैं चुमैंन् ग। नाँ बाडि तबै लिउँइँ चुमैंउँइँलेन् पृथ्बीरि ह्रें-ह्रें स्यो-स्यो तसि खन्तोंदोंन् ख्याँयाइ।

उत्पत्ति 10:32 ပူးပေါင်းရင်းမြစ်များ

उत्पत्ति 10:1

नोआए च्हमैं शेम, हाम नेरो येपेतए ताँमैं चुन् ग। नाँ बाडि तबै लिउँइँ चमैंलैया च्हमैं फिइ।

उत्पत्ति 10:20

हामए च्हमैंए खेमैं, चमैंए क्युइमैं, ह्‍युल नेरो ह्रेंमैं चुन् ग।

उत्पत्ति 10:25

एबेरइ च्ह ङ्हिं योंइ। घ्रिए मिं पेलेग मुँल। तलेबिस्याँ चए पलोर्न पृथ्‍बीर्बै म्हिमैं स्यो-स्योबै क्ल्ह्‍योर टिनेइ। पेलेगए अलिए मिं योक्‍तान मुँल।

उत्पत्ति 10:31

शेमए च्हमैं, चमैंए खेमैं, ह्रेंमैं, क्युइ नेरो चए ह्‍युल चुमैंन् ग।

उत्पत्ति 10:5

चुमैंउँइँलेन् मा ङ्युँइए छ्योगोर टिब्मैंए ह्‍युलर ताँनल ह्रोंसए क्युइर नेरो ह्रोंसए ह्रें-ह्रेंर ख्याँयाइ।

उत्पत्ति 11:1

च त्हेर पृथ्बीरि ताँन् म्हिमैंइ क्युइ घ्रिन् पोंमल।

उत्पत्ति 9:1

च लिउँइँ परमेश्‍वरजी नोआ नेरो चए च्हमैं आशिक पिंसि “प्हारदै रोदै, सन्तानमैं ल्हें तदै पृथ्‍बीर प्लिंदै ह्‍याद्,” बिइ।

उत्पत्ति 9:19

नोआए च्हमैं चु सौंलो मुँल। चुमैंउँइँलेन् ताँन् पृथ्‍बी प्लिंयाँइ।

उत्पत्ति 9:7

क्हेमैं प्हारदै रोदै प्हसेमैं ल्हें फिदै ह्‍युलर प्लिंरिगे।”

चेला चिब्मैंए केमैं 17:26

खीजी म्‍हि घ्रिउँइँले ल्हें ह्रेंमैं बनेसि पृथ्बी तिगोंन् टिल् पिंइ। धै म्हिमैं चु पृथ्‍बीर सोबै त्हे निबै टिबै क्ल्ह्‍योए साँदमैं या ओंसों ओंनोंन् तोक्दिमिंइमुँ।