उत्पत्ति 1:9 - परमेश्‍वरए ताँ तमु क्युइर

⁹ झाइले परमेश्‍‍वरजी बिइ, “मुए न्‍होंर्बै क्यु क्ल्‍ह्‍यो घ्रिर खागु तयाद् धै ओबानो क्ल्‍ह्‍यो म्रोंयाद्!” बिमा छान् तयाइ।

उत्पत्ति 1:9 ပူးပေါင်းရင်းမြစ်များ

उत्पत्ति 1:8

परमेश्‍वरजी च फिर्बै क्ल्‍ह्‍योने “मु” बिइ। ङेसा तइ धै न्‍हाँग तइ, च ङ्हिरोबै त्हिंइ मुँल।

भजनमैं 104:3

खीजी ह्रोंसए नुबै कोठार्बै दलिनमैं क्युमैंए फिर थेंम्; खीजी न्हाँमस्योमैं ह्रोंसए रथ बनेम्; खी खैंए प्ह्‍यामैंर प्ररिम्।

भजनमैं 33:7

खीजी मा ङ्युँइर्बै क्यु खागु लमुँ; खीजी गैरु मा ङ्युँइमैं ह्रोंसए धन्सरर थेंमुँ।

भजनमैं 95:5

मा ङ्युँइ खीलन् ग, खीजीन् च बनेब् ग, धै कार क्‍ल्‍ह्‍यो या खीए योजीन् बनेब् ग।

योना 1:9

योनाइ चमैंने बिइ, “ङ मा ङ्युँइ नेरो स बनेबै स्वर्गर्बै याहवेह परमेश्‍वरलाइ म्हाँदिबै हिब्रू घ्रि ग।”

२ पत्रुस 3:5

मु नेरो ह्‍युल स्योंमन् परमेश्‍वरजी बिबै ताँजी बनेब् ग बिसि सेना सेन् आसेब् धोंले चमैंइ च ताँए वास्ता आल। खीजी चु ह्‍युल क्‍युउँइँले फ्रेमिंसि क्यु आरेबै स बनेइ।

दर्शन 10:6

धै स्‍वर्ग नेरो चर्बै सैमैं, पृथ्‍बी नेरो चर्बै सैमैं, मा ङ्युँइ नेरो चर्बै सैमैं बनेब नेरो खोंयोंन् बिलै तरिबै परमेश्‍वरए मिंरि च स्‍वर्गदूतइ कसम चसि छ बिइ, “तारे आक्‍है!