उत्पत्ति 1:31 - परमेश्‍वरए ताँ तमु क्युइर

³¹ ह्रोंसजी बनेबै तोन्दोंरि सै परमेश्‍वरजी ङ्ह्‍योमा बेल्‍ले छ्याँब मुँल। ङेसा तइ धै न्‍हाँग तइ, च टुरोबै त्हिंइ मुँल।

उत्पत्ति 1:31 ပူးပေါင်းရင်းမြစ်များ

उत्पत्ति 1:13

ङेसा तइ धै न्‍हाँग तइ, च सोंरोबै त्हिंइ मुँल।

उत्पत्ति 1:19

ङेसा तइ धै न्‍हाँग तइ, च प्लिरोबै त्हिंइ मुँल।

उत्पत्ति 1:23

ङेसा तइ धै न्‍हाँग तइ, च ङ्‍हरोबै त्हिंइ मुँल।

उत्पत्ति 1:5

परमेश्‍वरजी मि म्रोंबने “त्‍हिंइ” बिइ, धै मिछु खैबने “म्‍हुँइसा” बिइ। ङेसा तइ धै न्‍हाँग तइ, च ओंसोंबै त्हिंइ मुँल।

उत्पत्ति 1:8

परमेश्‍वरजी च फिर्बै क्ल्‍ह्‍योने “मु” बिइ। ङेसा तइ धै न्‍हाँग तइ, च ङ्हिरोबै त्हिंइ मुँल।

उत्पत्ति 2:2

ह्रोंसजी लबै के परमेश्‍वरजी टुरोर खाँइ। धै ह्रोंसजी लबै ताँन् केउँइँले खीजी ङिरोर भों न्हइ।

उत्पत्ति 2:3

झाइले परमेश्‍वरजी ङिरोबै त्हिंइलाइ आशिक पिंसि च त्हिंइ पबित्र लमिंइ। तलेबिस्याँ ह्रोंसजी लबै ताँन् केउँइँले ङिरोर भों न्हइ।

भजनमैं 104:24

ओ याहवेह, क्हिजी लबै केमैं कति ल्हें मुँ! चु ताँन् सैं क्हिजी ह्रोंसए बुद्धिइ बनेइ; क्हिजी बनेबै तोन्दोंरि सैइ पृथ्बी प्लिंइमुँ।

भजनमैं 104:28

क्हिजी चमैंलाइ चबै सै पिंमा चमैंइ खुम्; क्हिजी ह्रोंसए यो प्ल्हमा चमैं लिंबै सैमैं चसि म्रेंम्।

भजनमैं 104:31

याहवेहए मिं खोंयोंन् बिलै थेब् तरिगे; ह्रोंसइ लबै केमैंर याहवेह सैं तोंरिगे,

भजनमैं 119:68

क्हि स्वाब मुँ, क्हिजी छ्याँबै के लम्; क्हिए निसाफइ बिब् धोंले प्रब ङलाइ लोमिंन्।

प्रस्थान 20:11

तलेबिस्याँ टुगैंर ङ याहवेहजी मु, पृथ्‍बी, मा ङ्युँइ (समुन्द्र) नेरो चर मुँबै तोन्दोंरि सैमैं बनेइ, धै ङिगैंर भों न्हइ। छतसि प्रिबै त्हिंइलाइ याहवेहजी आशिक पिंसि पबित्र लइ।

प्रस्थान 31:17

इस्राएलीमैंए म्हाँजोर चु प्रिबै त्हिंइ खोंयोंन् बिलै तबै चिनु घ्रि तब्मुँ, तलेबिस्याँ याहवेहजी टुगैं न्होंर मु नेरो पृथ्‍बी बनेइ, धै ङिगैंर भों न्हइ।”

हितोपदेश 16:4

याहवेहजी तोन्दोंरि सैमैं खीए सैंर मैंब् धोंले बनेइमुँ, खीजी दुष्‍ट म्हिमैं या नास तबै त्हिंइए ल्हागिर साँथेंइमुँ।

१ तिमोथी 4:4

परमेश्‍वरजी बनेबै ताँन् सैमैं चोखो मुँ। छतसि धन्‍यबाद पिंइरि चस्याँ चल् आतबै सै तोइ आरे।

१ तिमोथी 4:5

तलेबिस्याँ परमेश्‍वरए बचन नेरो प्राथनाइ ताँन् सै चोखो लम्।