उत्पत्ति 1:29 - परमेश्‍वरए ताँ तमु क्युइर

²⁹ झाइले परमेश्‍वरजी बिइ, “ङ्‍ह्‍योद्! क्हेमैंए चबै सै तरिगे बिसि पृथ्‍बीर्बै ताँन् प्‍लु पिंबै धुँमैं नेरो रोर्न प्‍लु तबै ताँन् सिंधुँमैं ङइ पिंम्।

उत्पत्ति 1:29 ပူးပေါင်းရင်းမြစ်များ

उत्पत्ति 2:16

झाइले खीजी म्हिने बिइ, “बगैंचार्बै ताँन् सिंधुँर्बै रो क्हिइ तोइ आमैंन्ले चस्याँ तम्।

उत्पत्ति 6:21

ह्रोंसए ल्हागिर नेरो ताँन् खालर्बै सो प्ह्‍याबै सैमैंइ चबै ल्हागिर ताँन् खालर्बै चबै सै पसि क्हिने बालु थेंन्।”

उत्पत्ति 9:3

चु ताँन् सो प्ह्‍याबै सैमैं क्हेमैंए चबै सै तब्मुँ। ङइ ओंसों प्याँ पिंमैं पिंब् धोंले चु ताँन् सो प्ह्‍याबै सैमैं या क्हेमैंलाइ पिंम्।

भजनमैं 111:5

खीने बालु ङ्हिंब्मैंलाइ खीजी चबै सैमैं जुटेमिंब्मुँ; धै खीजी फैबै बाछा खोंयोंइ मैंरिम्।

भजनमैं 115:16

स्वर्ग याहवेहलन् ग, दिलेया पृथ्‍बी बिस्याँ खीजी म्हिमैंलाइ पिंइमुँ।

भजनमैं 136:25

सो प्ह्‍याबै तोन्दोंरि सैलाइ खीजी चबै सै पिंम्। खीए म्हाँया खोंयोंन् बिलै तरिम्।

भजनमैं 146:7

आगुइ क्र ओलै आपिंब्मैंलाइ याहवेहजी ठिक निसाफ लमुँ, खीजी फो ख्रेंब्मैंलाइ चल् पिंमुँ। याहवेहजी कैदिमैं बैरु तेमिंम्,

भजनमैं 147:9

खेदोमैं नेरो कगए प्हसेमैं ङ्‍हेमा खीजी चल् पिंमुँ।

भजनमैं 24:1

पृथ्‍बी नेरो चर मुँबै तोन्दोंरि सैमैं याहवेहलन् ग, ह्‍युल नेरो चर टिब्मैं ताँन् खीलन् ग,

मत्ती 6:11

ङिलाइ तिंयाँ त्हिंइ ह्रोंसेबै चबै सै पिंनु।

चेला चिब्मैंए केमैं 14:17

दिलेया खीजी क्हेमैंए फिर ल्हयो खसि स्वर्गउँइँले नाँ कुलसि रा-रोमैं रोबै त्हेर क्हेमैं चल् योंरिगे बिसि ल्हें रोमैं रोमिंइ धै क्हेमैं सैं तोंल् पिंइ। छाबै के लसि क्हेमैंए उँइँर परमेश्‍वरजी खीए ग्वाइ पिंइँमुँ।”

चेला चिब्मैंए केमैं 17:28

तलेबिस्याँ म्हि घ्रिइ बिब् धोंले, ‘ङ्यो खीउँइँलेन् सोमुँ, खीउँइँलेन् प्रब-टिब लमुँ, धै खीउँइँलेन् ङ्योइ छ्ह योंम्।’ क्हेमैंए कबिता प्ह्रिबै म्हिमैंज्यै या छान् बिसि प्ह्रिइमुँ: ‘क्ह्रोंसेंन ङ्यो खीए सन्तान्मैं ग।’

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

१ तिमोथी 6:17

चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।