उत्पत्ति 1:26 - परमेश्‍वरए ताँ तमु क्युइर

²⁶ धबै परमेश्‍वरजी बिइ, “तारे म्‍हि ङ्यो धोंन् तब ङ्यो धोंन् ब्योंब बनेले। चमैंइ मा ङ्युँइर्बै ताँगमैं, मुर्बै नमेंमैं, धिंर न्‍हबै खेदोमैं, क्ह्‍योंर्बै खेदोमैं नेरो सर प्रबै ताँन् सैमैं फिर क्‍ल्‍हे लरिगे।”

उत्पत्ति 1:26 ပူးပေါင်းရင်းမြစ်များ

उत्पत्ति 11:7

छतसि खो, ङ्यो क्युरु ह्‍यासि चमैंइ घ्रिइ पोंबै क्युइ घ्रिइ आक्हिरिगे बिसि चमैंए क्युइ खलबल लवाले।”

उत्पत्ति 2:19

याहवेह परमेश्‍वरजी सउँइँले क्ह्‍योंर्बै ताँन् खेदो नेरो मुर प्हुरर्बै ताँन् नमेमैं बनेसि म्हिइ चमैंए मिं तोतो थेंमन बिसि था सेबर च ङाँर पखइ। धै म्हिइ सो प्ह्‍याबै सैमैंल तो तो मिं पिंइ चमैंए मिं चन् तइ।

उत्पत्ति 3:22

धै याहवेह परमेश्‍वरजी बिइ, “ङ्यो धोंलेन् म्हि छ्याँब-आछ्याँब सेल् खाँब् तइमुँ। तारे चइ खोंयोंइ सोल् योंबै सिंधुँर्बै रो टोंसि चल् आयोंरिगे। आस्याँ च खोंयोंन् बिलै सोरिब्मुँ।”

उत्पत्ति 5:1

आदमए बंशमैं चुमैंन् ग। परमेश्‍वरजी म्हि बनेमा खीजी ह्रोंस धोंबन् बनेइ। खीजी मुयुँ नेरो च्हमिरि बनेइ।

उत्पत्ति 9:6

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

भजनमैं 100:3

याहवेहन् परमेश्‍वर ग बिसि सेद्! खीजीन् ङ्योलाइ खीए म्हिमैं तल् पिंइ, ङ्यो खीलन् ग, छतसि ङ्यो खीए म्हिमैं नेरो खीए खर्गर्बै क्युमैं ग।

भजनमैं 149:2

ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 5:17

दिलेया येशूजी चमैंने बिइ, “ङए आबाजी तोगो समा के लरिइमुँ। छतसि ङज्यै या के लरिइमुँ।”

चेला चिब्मैंए केमैं 17:20

“तलेबिस्याँ क्हिइ ङिने औदिबै ताँमैं बिरिइमुँ। छतसि चु ताँइ बिल् म्हैब तो जा? ङि च ताँमैं क्होदा ङ्हाँइमुँ।”

चेला चिब्मैंए केमैं 17:26

खीजी म्‍हि घ्रिउँइँले ल्हें ह्रेंमैं बनेसि पृथ्बी तिगोंन् टिल् पिंइ। धै म्हिमैं चु पृथ्‍बीर सोबै त्हे निबै टिबै क्ल्ह्‍योए साँदमैं या ओंसों ओंनोंन् तोक्दिमिंइमुँ।

१ कोरिन्थी 11:7

मुँयुँमैंइ क्र हुल आत, तलेबिस्याँ मुँयुँमैं परमेश्‍वर धों ब्योंब मुँ धै चमैंइ परमेश्‍वरए ङ्‍हो लोंबै के लम्। छलेन च्हमिरिइ ह्रोंसए प्युँए ङ्‍हो लोंबै के लम्।

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

एफिसी 4:24

झाइले छारा छ्याँबै क्‍वें खिब् धोंले परमेश्‍वरल् धों तबै छ्याँबै बानि ब्योर क्हेमैंल् तरिगे।

कलस्सी 1:15

म्‍हिमैंइ परमेश्‍वर म्रोंल् आखाँ, दिलेया परमेश्‍वर खैब मुँ, येशू ख्रीष्‍टै या छाबन् मुँ। परमेश्‍वरजी ह्‍युल बनेब् भन्दा ओंसोंन् ख्रीष्‍ट मुँल, खी ताँन् बनेबै सै भन्‍दा थेब ग।

कलस्सी 3:10

छतसि छारा बानि योंसि तारे क्हेमैंइ छ्याँबै सैं प्ह्‍यासि छारा म्‍हिमैं तइमुँ। धै क्हेमैंइ खीलाइ छेनाले ङो सेरिगे बिसि परमेश्‍वरजी चु छाबै छारा म्हि बनेसि खी धोंबन् लमिंरिइमुँ।

याकूब 3:7

ह्‍युलर्बै ताँन् खालर्बै खेदो, नमे, प्‍हुरि, ताँगमैं म्‍हिइ तार झोंल् खाँमुँ।

याकूब 3:9

चु लेउँइँलेन् ङ्योइ ङ्योए प्रभु नेरो परमेश्‍वर आबाए मिं क्वेम्, धै चु लेउँइँलेन् परमेश्‍वरजी बनेबै म्‍हिमैंलाइ गाल् केम्।

१ यूहन्‍ना 5:7

ग्वाइ पिंब्मैं सों मुँ: