उत्पत्ति 1:23 - परमेश्‍वरए ताँ तमु क्युइर

²³ ङेसा तइ धै न्‍हाँग तइ, च ङ्‍हरोबै त्हिंइ मुँल।

उत्पत्ति 1:23 ပူးပေါင်းရင်းမြစ်များ

उत्पत्ति 1:22

झाइले परमेश्‍वरजी चमैंने “प्हारदै रोदै ल्हें तदै मा ङ्युँइर प्‍लिंदै ह्‍याद्। छलेन नमेंमैं या पृथ्बीर ल्हें तदै ह्‍यारिगे,” बिसि आशिक पिंइ।

उत्पत्ति 1:24

परमेश्‍वरजी बिइ, “पृथ्‍बीइ स्यो-स्योबै धिंर न्‍हबै खेदोमैं, सर फोइ क्ल्याँसि प्रबै प्हँलाँ-प्हुँलुँमैं नेरो क्ह्‍योंर्बै खेदोमैं या लरिगे,” बिमा छान् तयाइ।

उत्पत्ति 1:31

ह्रोंसजी बनेबै तोन्दोंरि सै परमेश्‍वरजी ङ्ह्‍योमा बेल्‍ले छ्याँब मुँल। ङेसा तइ धै न्‍हाँग तइ, च टुरोबै त्हिंइ मुँल।

उत्पत्ति 1:5

परमेश्‍वरजी मि म्रोंबने “त्‍हिंइ” बिइ, धै मिछु खैबने “म्‍हुँइसा” बिइ। ङेसा तइ धै न्‍हाँग तइ, च ओंसोंबै त्हिंइ मुँल।

उत्पत्ति 1:8

परमेश्‍वरजी च फिर्बै क्ल्‍ह्‍योने “मु” बिइ। ङेसा तइ धै न्‍हाँग तइ, च ङ्हिरोबै त्हिंइ मुँल।

मर्कूस 14:30

येशूजी पत्रुसने बिइ, “क्ह्रोंसेंन ङ क्हिने बिमुँ, तिंयाँबै म्‍हुँइँसर्न नग भाले ङ्हिखे ओरब् ओंसों सोंखे समा क्‍हिइ ङलाइ ङो आसे बिब्मुँ।”