उत्पत्ति 1:21 - परमेश्‍वरए ताँ तमु क्युइर

²¹ छतसि मा ङ्युँइर थे-थेबै क्युर टिबै सैमैंइ प्लिंइ धै सर प्रबै स्यो-स्योबै सो प्ह्‍याबै ताँन् सैमैं नेरो प्ह्‍या प्‍ह्‍याबै नमेमैं या परमेश्‍वरजी बनेइ। झाइले परमेश्‍वरजी ङ्ह्‍योमा चमैं छ्याँब मुँल।

उत्पत्ति 1:21 ပူးပေါင်းရင်းမြစ်များ

उत्पत्ति 1:18

त्हिंइ नेरो म्‍हुँइँसए फिर क्‍ल्‍हे तबर, धै मि म्रोंब नेरो मिछु खैब स्यो-स्यो लबर परमेश्‍वरजी च चारबै सैमैं मुर थेंमिंइ। खीजी ङ्ह्‍योमा च छ्याँब मुँल।

उत्पत्ति 1:20

परमेश्‍वरजी बिइ, “क्‍युर सो प्ह्‍याबै सैमैंइ प्‍लिंरिगे धै नमेंमैं मुर प्‍हुररिगे।”

उत्पत्ति 1:22

झाइले परमेश्‍वरजी चमैंने “प्हारदै रोदै ल्हें तदै मा ङ्युँइर प्‍लिंदै ह्‍याद्। छलेन नमेंमैं या पृथ्बीर ल्हें तदै ह्‍यारिगे,” बिसि आशिक पिंइ।

उत्पत्ति 1:25

परमेश्‍वरजी स्यो-स्योबै क्ह्‍योंर्बै खेदोमैं, स्यो-स्योबै धिंर न्‍हबै खेदोमैं नेरो स्यो-स्योबै फोइ क्ल्याँसि सर प्रबै प्हलाँ-प्हुलुँमैं बनेइ। धै परमेश्‍वरजी ङ्ह्‍योमा च छ्याँब मुँल।

उत्पत्ति 1:31

ह्रोंसजी बनेबै तोन्दोंरि सै परमेश्‍वरजी ङ्ह्‍योमा बेल्‍ले छ्याँब मुँल। ङेसा तइ धै न्‍हाँग तइ, च टुरोबै त्हिंइ मुँल।

उत्पत्ति 2:19

याहवेह परमेश्‍वरजी सउँइँले क्ह्‍योंर्बै ताँन् खेदो नेरो मुर प्हुरर्बै ताँन् नमेमैं बनेसि म्हिइ चमैंए मिं तोतो थेंमन बिसि था सेबर च ङाँर पखइ। धै म्हिइ सो प्ह्‍याबै सैमैंल तो तो मिं पिंइ चमैंए मिं चन् तइ।

उत्पत्ति 6:20

ताँन् खालर्बै नमेमैं, खेदोमैं नेरो सर क्‍ल्याँसि प्रबै ताँन् प्हँलाँ-प्हुँलुँमैं तिजोर-तिजोर क्हिने बालुन् सोरिगे बिसि झाजर न्होंर पखो।

उत्पत्ति 7:14

चमैंने बालु ताँन् खालर्बै क्ह्‍योंर्बै खेदोमैं, धिंर न्हबै खेदोमैं, सर क्ल्याँसि प्रबै प्हँलाँ-प्हुँलुँमैं नेरो नमेंमैं या क्यु झाज न्होंर होंइ।

उत्पत्ति 8:17

क्हिने बालु मुँबै ताँन् सो प्ह्‍याबै सैमैं खेदोमैं, नमेंमैं, क्ल्याँसि प्रबै प्हँलाँ-प्हुँलुँ बैरु तेद्। चमैं पृथ्‍बीर ल्हें तदै ह्‍युलर प्लिंदै ह्‍यारिगे।”

उत्पत्ति 8:19

खेदोमैं ताँन्, क्ल्‍याँसि प्रबै प्हँलाँ-प्हुँलुँ, नमेंमैं पृथ्‍बीर प्रब् टिब् लबै सो प्ह्‍याबै सैमैं या चमैंए ह्रें-ह्रें पार्ले क्यु झाजउँइँले त्होंखइ।

उत्पत्ति 9:2

पृथ्‍बीर्बै ताँन् खेदोमैं मुर्बै ताँन् नमेंमैं सर क्ल्याँसि प्रबै ताँन् प्हलाँ-प्हुँलुँ मा ङ्युँइर्बै ताँन् ताँगमैं या क्हेमैं म्रोंसि ङ्हिंब्मुँ। चमैं ताँन् ङइ क्हेमैंए योर्न पिंइमुँ।

उत्पत्ति 9:7

क्हेमैं प्हारदै रोदै प्हसेमैं ल्हें फिदै ह्‍युलर प्लिंरिगे।”

भजनमैं 148:7

ह्‍युलउँइँले याहवेहए मिं क्वेद्! ओ थेबै मा ङ्युँइ न्होंर टिबै सो प्ह्‍याबै सैमैं, नेरो ताँन् गैरु मा ङ्युँइ,

प्रस्थान 1:7

दिलेया इस्राएलए सन्तानमैं बिस्याँ बेल्‍ले ल्हें ततै ह्‍यासि मिश्र ह्‍युल तिगोंन् चमैंइ प्लिंयाइ।

प्रस्थान 8:3

झाइले नील स्योंर प्हद्गोइ प्लिंसि च क्हिए दरबारर, क्हि रोबै कोठार, क्हिए खाटर, क्हिए के लब्मैंए धिं-धिंर, क्हिए म्हिमैंए फिर, क्हिए कोदाजरे नेरो प्रो चेंबै भाँडाजरे खब्मुँ।

योना 1:17

धै योनालाइ क्ल्ह्‍योंबर याहवेहजी बेल्‍ले थेबै ताँगा कुलइ। धै च ताँगाए फो न्होंर योना त्हिंइ सोंरो म्हुँइँस सोंरो टिइ।

योना 2:10

झाइले याहेवेहजी ताँगाने योनालाइ तेवाद् बिमा ताँगाइ योनालाइ क्यु आरेबै क्ल्ह्‍योर रुइवाइ।

मत्ती 12:40

तलेबिस्याँ खैले योना थेबै ताँगए फो न्‍होंर सोंरो समा टिइ, छलेन म्हिए च्ह या सोंरो समा स न्होंर टिब्‍मुँ।