उत्पत्ति 1:16 - परमेश्‍वरए ताँ तमु क्युइर

¹⁶ झाइले परमेश्‍वरजी बेल्‍ले थेबै चारबै सै ङ्हिं बनेइ। थेबै चारबै सै त्हिंइर प्रेबै ल्हागिर नेरो च्‍योंबै चारबै सै म्हुँइँसर प्रेबर बनेइ। धै खीजी मुसारमैं या बनेइ।

उत्पत्ति 1:16 ပူးပေါင်းရင်းမြစ်များ

उत्पत्ति 1:15

धै पृथ्बीर मि म्रोंल् लमिंबर च सैमैं मुर तरिगे,” बिमा छान् तयाइ।

भजनमैं 148:3

ओ त्हिंयाँ नेरो लयाँ, खीलाइन थेब् लद्, ओ मुर्बै चारबै मुसारमैं, खीलाइन थेब् लद्!

भजनमैं 148:5

चमैंइ याहवेहए मिंन् थेब् लरिगे! तलेबिस्याँ खीए सुँइ पोंमा च सैमैं तयाइ।

भजनमैं 19:6

मुए छेउ घ्रिर च त्होंमुँ, धै स्युरदै अर्को छेउ समा फेनेम्। चए राबउँइँले तो सै या लोल् आखाँ।

भजनमैं 74:16

त्हिंइ क्हिलन् ग, म्हुँइँसै या क्हिलन् ग; त्हिंयाँ नेरो लयाँ क्हिजीन् बनेइ।

भजनमैं 8:3

क्हिजी बनेबै मु, क्हिजी मुर थेंमिंबै लयाँ नेरो मुसारमैं ङइ ङ्‍ह्‍योमा,

मत्ती 24:29

“च दुःख तबै त्हिंइ खाँबै तोदोंन् त्‍हिंयाँ मिछु खैयाब्‍मुँ, लयाँ या चाररिब् आरे, धै मुसारमैं या मुउँइँले तेयाब्‍मुँ। छले मुर मुँबै सैमैं ताँन् लायाब्‍मुँ।

मत्ती 27:45

झाइले त्हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु खैयाइ।

१ कोरिन्थी 15:41

त्‍हिंयाँ या छ्याँब मुँ, लयाँ या छ्याँब मुँ, मुसारमैं या छ्याँब मुँ। धै मुसारमैंए न्होंरै या घ्रि भन्दा घ्रि झन छ्याँब मुँ। दिलेया चमैं ताँन् स्यो-स्योन् मुँ।

दर्शन 21:23

च सहरर मि म्रोंबै ल्हागिर त्हिंयाँ नेरो लयाँ आचैदि, तलेबिस्याँ परमेश्‍वरए ह्‍वे चए फिर चारमुँ, च सहरर्बै बत्ति क्‍यु च्हजन् ग।