गलाती 6:2 - परमेश्‍वरए ताँ तमु क्युइर

² घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

गलाती 6:2 ပူးပေါင်းရင်းမြစ်များ

प्रस्थान 23:5

क्हेमैंए फिर ह्रिस लब्मैंए गदा तिइ प्लेवाब म्रोंस्याँ, चलाइ छलेन् आवाथेंन्, चलाइ रेबर ल्होद्।

मत्ती 8:17

यशैया अगमबक्‍ताइ स्‍योंमन् छले बिल, “ङ्योए बेथामैं खीजीन् बोमिंइ, झाइले ङ्योए नब् छब्मैं ताँन् खीजीन् नोमिंइ।” येशैयाइ स्योंमन् बिबै ताँ पूरा तबर येशूजी छाबै सल् लबै के लइ।

लूका 11:46

येशूजी बिइ, “क्हेमैं शास्‍त्रिमैंलाज्यै या धिक्‍कार मुँ! सैं क्रोल् त्‍हुम्! म्हिमैंइ नोल् आखाँबै ते क्‍हेमैंइ नोद् बिमुँ, दिलेया क्हेमैं बिस्याँ यो च्याफै टिरिम्।

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

यूहन्‍ना 15:12

“ङइ बिबै ताँ चुन् ग, ङइ क्‍हेमैंने म्‍हाँया लब् धोंलेन् क्‍हेमैंज्यै या घ्रिइ-घ्रिने म्‍हाँया लद्।

रोमी 15:1

ङ्यो बिश्‍वासर भोंसि तब्‍मैंइ बिश्‍वासर आभोंबै अलिमैंइ संका लबै ताँमैं सैदिल् त्‍हुम्। छलेन ङ्योइ ह्रोंस मत्‍त्रे सैं तोंबै केमैं लल् आत,

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

१ कोरिन्थी 9:21

छलेन ठिम आम्हाँदिबै अरू ह्रेंमैंए म्हाँजोर ङइ के लमा चमैंइ येशू ख्रीष्‍टए फिर बिश्‍वास लरिगे बिसि ङ मोशाइ पिंबै ठिम आम्हाँदिबै म्हि धोंन् तइ। (दिलेया ङ परमेश्‍वरए ठिमए न्होंर टिसि ख्रीष्‍टजीन् बिबै ताँ ङिंम्।)

गलाती 6:5

तलेबिस्याँ ताँन् म्‍हिमैंइ ह्रोंसइ लल् त्‍हुबै के ह्रोंसइन लल् त्‍हुम्।

१ थेसलोनिकी 5:14

ओ अलि-अङाँमैं, ङि क्हेमैंलाइ अर्थि पिंमुँ: प्ल्हेउमैंलाइ हौदिद, सैं च्योंब्मैंलाइ सैं भोंब लमिंन्, आखाँब्मैंलाइ ल्होमिंन्, ताँन् म्हिमैंने ह्रिस आखनले सैदिद्।

याकूब 1:25

दिलेया परमेश्‍वरए ठिमर्बै ताँमैं छेनाले थेसि चर बिब् धोंलेन् प्रबै म्‍हिइ आशिक योंब्मुँ। तलेबिस्याँ ठिमइ छ्याँबै छ्ह खैले थोल् त्हुम् बिबै ताँमैं लोमिंम्, धै ठिमर्बै ताँमैं आम्‍लेबै म्हि ठिमइ बिब् धोंलेन् लरिम्।

याकूब 2:12

परमेश्‍वरए छ्वेर्बै ठिमइ क्हेमैंलाइ आछ्याँबै बानि-बेहोरमैंउँइँले स्योमिंम्, धै च ठिमइ बिब् धोंले क्‍हेमैंए फिर खीजी निसाफ लब्‍मुँ। छतसि च ठिमइ बिब् धोंले तो पोंमुँ तो लमुँ च छेनाले लद्।

याकूब 2:8

बरु क्‍हेमैंइ परमेश्‍वरए छ्वेर प्ह्रिबै खीए ग्याल्सर्बै ताँमैं छेनाले म्हाँदिसि क्हेमैंइ “ह्रोंसए ङ्‍हेब् ट्हुब्मैंने ह्रोंसलाइन धोंले म्हाँया लद्!” बिबै ताँ ङिंस्याँ क्हेमैंइ छ्याँबै के लब्मुँ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

२ पत्रुस 2:21

चमैंलाइ पिंबै चु क्ह्रोंसेंन्बै छ्याँबै ताँ चमैंइ सेसेया आसेब् धोंलेन् धबै ओंसोंबै आछ्याँबै घ्याँर्न प्रयाम् बिस्याँ, चमैंए ल्हागिर चु छ्याँबै घ्याँ ग बिसि आसेबन् झन् छ्याँब तमल।

२ पत्रुस 3:2

स्‍योंम्‍बै पबित्र अगमबक्‍तामैंइ पोंबै अगमबाणिए ताँमैं नेरो क्‍हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।