गलाती 5:6 - परमेश्‍वरए ताँ तमु क्युइर

⁶ तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 5:6 ပူးပေါင်းရင်းမြစ်များ

लूका 7:5

तलेबिस्याँ च ङ्यो यहूदीमैंलाज्यै या म्‍हाँया लबै म्हि ग, ङ्योए च्हों धिं चइन बनेमिंब् ग।”

१ कोरिन्थी 13:13

छतसि खीए फिर थेंबै बिश्‍वास, खीए फिर लबै आशा नेरो म्हाँया लब, चु ताँ सों खोंयोंइ तरिम्। चुमैं न्‍होंरि ताँन् भन्दा थेब म्हाँया लब् ग।

१ कोरिन्थी 7:19

तलेबिस्याँ ज्युर चिनु लबै ताँ थेब आङिं। बरु परमेश्‍वरजी बिबै ताँ ङिंब थेबै ताँ ग।

२ कोरिन्थी 5:14

येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

गलाती 3:26

येशू ख्रीष्‍टए फिर बिश्‍वास लबइले क्‍हेमैं ताँन् परमेश्‍वरए प्हसेमैं तइमुँ,

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

गलाती 6:15

छतसि ज्युर चिनु ललेया आललेया तोइ आत, बरु छारा छ्ह योंसि छारा म्‍हि तब ताँन् भन्दा थेबै ताँ ग।

एफिसी 6:23

परमेश्‍वर आबा नेरो प्रभु येशू ख्रीष्‍टजी ताँन् बिश्‍वासीमैंलाइ छिं ङ्हाँल् पिंरिगे धै खीए थेबै दयाम्हाँयाजी चमैंए बिश्‍वास भोंब् लमिंरिगे।

कलस्सी 1:4

तलेबिस्याँ येशू ख्रीष्‍टए फिर्र क्हेमैंइ लबै बिश्‍वास नेरो परमेश्‍वरए म्‍हिमैं ताँनने क्‍हेमैंइ म्हाँया लइमुँ बिसि ङिइ थेइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,