गलाती 5:4 - परमेश्‍वरए ताँ तमु क्युइर

⁴ ठिमर बिब् धोंले लसि परमेश्‍वरए उँइँर ठिक ठर्दिल् म्‍हैब्मैंइ खेंमैंलाइ ख्रीष्‍टउँइँले फ्रेवाइमुँ, धै परमेश्‍वरए दयाम्हाँयाउँइँले या ह्रेंगो तयाइमुँ।

गलाती 5:4 ပူးပေါင်းရင်းမြစ်များ

रोमी 11:6

चमैंइ धर्म-कर्म लसि आङिं, परमेश्‍वरए दयाम्हाँयाइ लमा खीजी चमैंलाइ त्‍हाँब् ग, आस्याँ खीए दयाम्हाँया छलेन् पिंबै दयाम्हाँया आतमल।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

गलाती 2:21

छतसि ङइ खोंयोंइ बिलै परमेश्‍वरए दयाम्हाँयाए फिर भर लम्, तलेबिस्याँ ठिम म्‍हाँदिसि म्हिमैं परमेश्‍वरए उँइँर ठिक ठर्दिल् खाँम् बिस्‍याँ ख्रीष्‍ट फाक्‍कर्न सिइ!”

गलाती 5:2

थेद्, ङ पावलइ क्हेमैंने बिमुँ: क्‍हेमैंइ यहूदी ठिमर बिब् धोंले ज्युर चिनु लइ बिस्‍याँ क्‍हेमैंए ल्हागिर ख्रीष्‍टजी नोमिंबै दुःख फाक्‍कर्न तइ। खी ङाँइँले क्हेमैंइ तोइ फायदा आयों।

हिब्रू 12:15

परमेश्‍वरए दयाम्हाँया आयोंब खाबै आतरिगे बिसि न्ह क्रों मि क्रों तद्। आक्ह्रिबै लमा क्हेमैंए न्होंरि फ्रेब् प्ह्राब् आतरिगे। आस्याँ ल्हें म्हिमैं पापर च्होयाब्मुँ।

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

दर्शन 2:5

क्हिइ लबै आछ्याँबै केमैं मैंन्। च आछ्याँबै केमैंउँइँले सैं एसि ओंसों लब् धोंले तोगोइन ङलाइ म्हाँया लद्। छ आलस्‍याँ ङइ क्‍हेमैंए पानस चए क्‍ल्‍होउँइँले स्‍योवाब्‍मुँ।