गलाती 5:19 - परमेश्‍वरए ताँ तमु क्युइर

¹⁹ ह्रोंसए सैंउँइँले खबै आछ्याँबै केमैं छेनाले म्रोंल् खाँम्। च केमैं चुमैंन् ग: ब्यभिचार लब, आछ्याँबै सैं मैंब, फापिन् तबै केमैं लब,

गलाती 5:19 ပူးပေါင်းရင်းမြစ်များ

भजनमैं 17:4

म्हिमैंए केए ल्हागिर बिब् ग बिस्याँ, क्हिए सुँर्बै ताँउँइँलेन् न्होह्रों लबै केउँइँले ङइ ह्रोंसलाइ जोगेसि थेंइमुँ।

यूहन्‍ना 3:6

ज्युउँइँले फिब ज्युन् ग, धै पबित्र प्ल्हउँइँले फिब प्ल्हन् ग।

रोमी 7:18

ङए न्होंरि, अथवा ङए ओंसोंबै बानिरि, छ्याँबै सै तोइ आरे बिसि ङइ सेइमुँ। तलेबिस्याँ छ्याँबै के लदा ङ्हाँलेया ङइ च के लल् आखाँ।

रोमी 7:25

परमेश्‍वरलाइ धन्‍यबाद तरिगे, तलेबिस्याँ प्रभु येशू ख्रीष्‍टजीन् ङ्योलाइ जोगेमिंइमुँ! छतमा ङए हालत छाबन् ग। ङइ ह्रोंसए सैंइ मत्‍त्रे परमेश्‍वरए ठिम म्हाँदिम्, दिलेया ङए ओंसोंबै बानिइ पापए सेवा लम्।

रोमी 7:5

ओंसों ङ्यो पाप लदै छ्ह थोरिल, छतसि कालए सुँर फेनेबै आछ्याँबै केमैं लबर ठिमइ भों पिंसि पाप लदा ङ्हाँबै सैं खसि ङ्योइ ज्युर आछ्याँबै के लमल।

रोमी 8:13

तलेबिस्याँ ह्रोंसए आछ्याँबै बानिइ बिब् ङिंस्‍याँ क्‍हेमैं सिल् त्‍हुम्। दिलेया परमेश्‍वरए प्ल्हए भोंउँइँले क्‍हेमैंइ ह्रोंसए ओंसोंबै आछ्याँबै बानिमैं पिवास्‍याँ क्‍हेमैंए प्ल्ह सोब्‍मुँ।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

रोमी 8:5

छ्ह थोबै तरिका ङ्हिं मुँ: घ्रि, ह्रोंसए ओंसोंबै बानि अनुसार प्रब्मैंए सैं ओंसोंबै बानिए इच्‍छार्न ह्‍याम्। अर्को, परमेश्‍वरए प्ल्हजी बिब् धोंले प्रब्मैं खीए प्ल्हए इच्‍छार्न सैं ह्‍याम्।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

१ कोरिन्थी 3:3

क्‍हेमैं अझै परमेश्‍वरए फिर बिश्‍वास आलब्मैं धोंबन् मुँ। तलेबिस्याँ क्‍हेमैं ह्रों-ह्रोंसए न्होंर्न ह्रिस लब, प्होंगि कैगि लब तसेरो क्हेमैं परमेश्‍वरए फिर बिश्‍वास आलब्मैं धोंन् तइ, आङिं वा?

१ कोरिन्थी 6:18

ब्यभिचार आलद्। अरू पाप लइ बिस्याँ ज्युलाइ नोक्सन् आल, दिलेया ब्यभिचार लइबिस्‍याँ ह्रोंसए ज्युलाइन नोक्सन् लम्।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

गलाती 5:17

तलेबिस्याँ म्‍हिमैंए सैंउँइँले खबै आछ्याँबै इच्‍छाइ पबित्र प्ल्हए बिरोध लम्, छलेन पबित्र प्ल्हए छ्याँबै इच्‍छाइ म्‍हिमैंए सैंउँइँले खबै आछ्याँबै इच्‍छाए बिरोध लम्। चुमैं ङ्हिं आक्‍ह्रि। छतमा क्‍हेमैंइ छ्याँबै केमैं लल् म्हैलेया लल् आखाँ।

गलाती 6:8

खाबइ ह्रोंसए आछ्याँबै सैंउँइँले आछ्याँबै इच्‍छाए केमै लमुँ, च नास तयाब्‍मुँ, दिलेया खाबइ पबित्र प्ल्हजी बिब् धोंबै केमैं लमुँ, चइ पबित्र प्ल्हउँइँलेन् खोंयोंइ आखाँबै छ्ह योंब्‍मुँ।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।