गलाती 5:13 - परमेश्‍वरए ताँ तमु क्युइर

¹³ ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

गलाती 5:13 ပူးပေါင်းရင်းမြစ်များ

लूका 4:18

“याहवेह परमेश्‍वरए प्‍ल्ह ङए फिर मुँ, तलेबिस्याँ ङ्हाँदुमैंलाइ सैं तोंबै ताँ बिमिंबर खीजी ङलाइ त्हाँइमुँ। कैदिमैं झेलउँइँले तेमिंबर, धै कनमैं मि म्रोंल् लमिंबर। आगुइ क्र ओल् आपिंब्मैंलाइ रेमिंबर खीजी ङ कुल्मिंब् ग।

चेला चिब्मैंए केमैं 20:35

प्रभु येशूजी बिबै चु ताँ मैंन्, ‘किंबै म्हि भन्दा पिंबै म्हिइ आशिक् योंम्।’ छतसि क्हेमैंज्यै या बेल्‍ले भोंले के लसि भों आरेब्मैं ल्होल् त्हुम् बिसि क्हेमैंए उँइँर्न ङइ के लसि नमुना उँइँमिंइँमुँ।”

१ कोरिन्थी 8:9

बरु छेन्ले मैंन्! क्हिइ तोइ आमैंन्ले कुर चडेबै सै चलेन् तम् बिसि चबइले बिश्‍वासर आभोंबै म्हिमैं पापर आच्होरिगे।

१ कोरिन्थी 9:19

ङ खाबै न्होंरै या आरे, दिलेया खाँन् समा ल्हें म्हिइ येशू ख्रीष्‍टए फिर बिश्‍वास लरिगे बिसि ङ ताँनए के लबै म्हि धोंन् तइमुँ।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 2:8

छतसि क्‍हेमैंइ च म्हिलाइ अझै म्हाँया लद्। क्हमैंइ म्हाँया लइमुँ बिब चइ सेरिगे बिसि ङइ क्‍हेमैंने यो छ्युँ लम्।

२ कोरिन्थी 3:17

“याहवेह” पबित्र प्ल्ह ग, छतसि खाब्ने याहवेहए प्ल्ह तमुँ, च म्‍हि खाँसों ङ्हाँन् तल् योंम्।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

गलाती 2:4

दिलेया स्योलिबै ताँ लोमिंब्मैं ट्हुबि क्ह्‍याल् त्हुम् बिसि खाबज्यै आसेल्‍ले खसि बिश्‍वास लब्मैंए म्‍हाँजोर होंइ। धै ख्रीष्‍टउँइँले मुक्‍ति योंब्मैंलाइ छैं लसि स्योंम्बै ठिममैं म्हाँदिबर कर ल्हैदिमल।

गलाती 4:22

अब्राहामल च्‍ह ङ्हिं मुँल। घ्रि खीए केब्स्यो ङाँइँले योंल, अर्को ह्रोंसए प्‍ह्रेंस्‍यो सारा ङाँइँले योंल बिसि परमेश्‍वरए छ्वेर प्‍ह्रिइमुँ।

गलाती 5:1

ङ्यो केब्छैं-केब्स्‍योमैं आतबै ल्हागिर ख्रीष्‍टजी सै फोसि ङ्योलाइ ठिमउँइँले खामिंइ। छतसि सैं भोंब् लद्। क्‍हेमैं धबै केब्छैं-केब्स्‍योमैं आतद्!

गलाती 5:14

तलेबिस्याँ ताँन् ठिमर्बै ताँमैं चु ताँ घ्रिर्न पूरा तइमुँ: “क्हिइ ह्रोंसलाइ म्हाँया लब् धोंले ङ्‍हेब् ट्हुब्मैंए फिरै या म्हाँया लद्।”

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

गलाती 6:2

घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

१ पत्रुस 2:16

क्‍हेमैं आछ्याँबै सैउँइँले फ्रेमिंबै म्हिमैं धोंले छ्ह थोद्। दिलेया आछ्याँबै सैउँइँले फ्रेमिंबै म्हिमैं ग बिसि ठिमए बिरोधर्बै केमैं आलद्। बरु परमेश्‍वरए के लबै म्हिमैं धोंले छ्ह थोद्।

२ पत्रुस 2:19

ङिइ क्हेमैं छ्याँबै घ्याँर डोरेस्यो बिसि चमैंइ म्हिमैंने बाछा फैमुँ, दिलेया खेंमैंन् आछ्याँबै घ्याँर प्रम्। तलेबिस्याँ म्‍हिइ तो सैलाइ सैं पिंमुँ, च सैए केब्छैं तसि चए न्होंर्न टिल् त्हुम्।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।