गलाती 5:11 - परमेश्‍वरए ताँ तमु क्युइर

¹¹ ओ अलि-अङाँमैं, “यहूदीमैंइ धोंलेन् क्हेमैंज्यै ज्युर चिनु लल् त्‍हुम्” बिसि तोगो समा ङइ बिप्रस्याँ ङए फिर च्हौ थेबै दुःख तले खइदि? छ बिस्याँम् “ख्रीष्‍ट क्रूसर च्योसि ङ्योए ल्हागिर सिब् ग” बिबै ताँर बिरोध आखमल।

गलाती 5:11 ပူးပေါင်းရင်းမြစ်များ

चेला चिब्मैंए केमैं 16:3

पावलइ च ह्रोंसने बालुन् बोदा ङ्हाँइ। धै च क्ल्ह्‍योर्बै यहूदीमैंइ दुःख आपिंरिगे बिसि पावलइ तिमोथी बोसि चए ज्युर चिनु लइ, तलेबिस्याँ चए आबा ग्रिक ग बिसि यहूदीमैंइ था सेला

चेला चिब्मैंए केमैं 21:21

दिलेया चमैंइ क्हिए बारेर स्योलिबै ताँ थेइ। ‘मोशाइ पिंबै ठिम पिवाद्, धै कोलोमैंए ज्युर चिनु आलद्, यहूदी रोस आम्हाँदिद्,’ बिसि क्हिइ अरू ह्रेंमैंए म्हाँजोर टिबै यहूदीमैंलाइ लोमिंइँमुँ रो।

चेला चिब्मैंए केमैं 21:28

“ओ इस्राएलर्बै म्हिमैं, ङि ल्होमिंन्! तलेबिस्याँ चु खन्तोंदोंबै म्हिमैंने ङ्योए ह्रें, ङ्योए ठिम नेरो चु मन्दिरए बिरोधर लोमिंदै प्रबै म्हि चुन् ग। च्हौ मत्‍त्रे आङिं, चुइ ग्रिकमैं या चु मन्दिर न्होंर पखसि ङ्योए पबित्र क्ल्ह्‍यो अशुद्ध लवाइमुँ,” बिदै चमैं ओरबर होंइ।

१ कोरिन्थी 1:18

तलेबिस्याँ ङ्योए पाप ख्रुमिंबै ल्हागिर येशू ख्रीष्‍टजी क्रूसर ख्रो पिंब् ग बिबै ताँ नास तबर होंब्मैंइ बुद्धि आरेब्मैंए ताँ धों ङ्हाँम्, दिलेया येशूए फिर बिश्‍वास लसि पापउँइँले फ्रेब्मैंइ बिस्याँ ङ्योए ल्हागिर चु ताँ परमेश्‍वरए शक्‍ति ग ङ्हाँम्।

१ कोरिन्थी 1:23

दिलेया ङ्योइ बिस्याँ क्रूसर च्योवाबै येशू ख्रीष्‍टउँइँले खबै सैं तोंबै ताँ बिप्रम्। चु ताँ यहूदीमैंइ तिफुँइ आखो, छलेन अरू ह्रेंमैंए ल्हागिर चु ताँ बुद्धि आरेब्मैंइ पोंबै ताँ धों ङ्हाँम्।

१ कोरिन्थी 15:30

सियाब्मैं सोगों आतब् ङिंस्‍याँ ङइ खोंयोंइ तले दुःख नोरिब?

गलाती 2:3

ङने बालु मुँबै तीतस ग्रिक मुँलेया ट्हुबि क्ह्‍याल् त्हुम् बिसि खाबज्यै कर आल्हैदि।

गलाती 3:1

ओ बुद्धि आरेबै गलातीमैं! खाबइ क्‍हेमैंलाइ म्होंनि झोंइ? येशू ख्रीष्‍ट क्रूसर च्‍योवाबै ताँ क्हेमैंने ङिइ छेनाले बिल।

गलाती 4:29

अब्राहामए ज्युर्बै इच्छाउँइँले केब्स्योइ योंबै च्‍हइ च त्हेर परमेश्‍वरए प्ल्हउँइँले योंबै च्‍हलाइ ह्रुगुदिल। च धोंलेन् तिंजोरो या छान् तम्।

गलाती 6:12

क्हेमैंलाइ ज्युर चिनु लल् त्‍हुम् बिसि कर ल्‍हैदिब्मैं बैरुबै सै म्रोंसि प्हैंदा ङ्हाँब्मैं ग। “परमेश्‍वरउँइँले खटिदिबै ख्रीष्‍ट म्रुँ क्रूसर च्योसि सिइ,” बिबै ताँ बिप्रमा यहूदीमैंउँइँले खेंमैंलाइ तोइ दुःख आतरिगे बिब् मैंसि चमैंइ “ज्युर चिनु लल् त्‍हुम्” बिब् ग।

गलाती 6:17

आखिरि ताँ: तारे खाबज्यै ङलाइ दुःख आपिंरिगे, तलेबिस्याँ ङइ ङए ज्युर येशूए ल्हागिर सैदिबै घामैंए डाम नोइमुँ।