गलाती 5:10 - परमेश्‍वरए ताँ तमु क्युइर

¹⁰ ङ्यो ताँन् प्रभुए फिर बिश्‍वास लब्मैं ग। छतसि ङइ बिबै ताँ थोसि क्हेमैं तिराइ ल्हैदिरिब् आरे बिसि ङइ बिश्‍वास लइमुँ। क्‍हेमैंए सैंलाइ खैला तोला ङ्हाँन् लबै म्हि, खाब मुँलेया, चलाइ परमेश्‍वरजी सजैं पिंब्‍मुँ।

गलाती 5:10 ပူးပေါင်းရင်းမြစ်များ

चेला चिब्मैंए केमैं 15:24

ङिए न्होंर्बै को-कोइ म्हिमैं चर ह्‍यासि स्योलिबै ताँमैं क्हेमैंलाइ लोमिंसि क्हेमैंए सैं ङ्हिरि लवासि दुःख पिंइ बिब ङिइ थेइमुँ। च म्हिमैं ङिंइ कुलब आङिं।

१ कोरिन्थी 5:5

तारेसेरो चइ छाबै पाप केमैं आलरिगे, धै प्रभु येशू युबै त्हिंइर चए प्ल्ह सोरिगे बिसि च म्हिलाइ दुष्‍टए योर पिंवाँन्।

२ कोरिन्थी 1:15

ङि म्रोंसि क्हेमैं ङ्‍हो लोंल् योंम् बिसि ङइ सेल। छतसि ङ क्‍हेमैं ङाँर ङ्हिखे खल् योंरिगे बिसि ङइ ओंसों क्‍हेमैं ङाँर खबै सैं लइ।

२ कोरिन्थी 10:2

“ङ क्हेमैं ङाँर खमा ङइ ह्रिस उँइँल् आत्हुरिगे।” तलेबिस्याँ ङिइ आछ्याँबै सैंइ के लम् रो बिब्मैं म्रोंसि ङ ह्रिस खम्।

२ कोरिन्थी 10:6

ङिइ लद् बिबै केमैं ताँन् क्‍हेमैंइ लल् खाँबै लिउँइँ ङिइ बिब् आङिंब्‍मैंलाइ दण्‍ड पिंबर ङि तयार तब्‍मुँ।

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

२ कोरिन्थी 2:6

क्‍हेमैं न्‍होंर्बै ल्हें म्‍हिमैंइ चलाइ सजैं पिंसेरो तइ।

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।

२ कोरिन्थी 7:16

क्‍हेमैंइ लबै ताँन् केमैं म्रोंसि ङ बेल्‍ले तोंइमुँ, तलेबिस्याँ क्हेमैंए फिर ङल थेबै बिश्‍वास मुँ।

२ कोरिन्थी 8:22

चमैंने ङिए अर्को बिश्‍वासी अलि या क्‍हेमैं ङाँर कुल्मिंइमुँ। च अलिलाइ ङिइ ल्हें खे तोन्दोंरि सैर जाँच लमा चल छ्याँबै के लबै सैं मुँ बिब ङिइ सेल् खाँइमुँ। तोगो च अलिइ क्‍हेमैंए फिर बेल्‍ले भर म्हाँदिसि अझै छ्याँबै के लबै सैं लइमुँ।

गलाती 1:7

क्‍ह्रोंसेंन येशू ख्रीष्‍टउँइँले खबै सैं तोंबै ताँ बाहेक अर्को सैं तोंबै ताँ आरे। ख्रीष्‍टउँइले खबै सैं तोंबै ताँलाइ तो धोंइ आङ्हाँन्ले खेंमैंए सैंर्बै ताँ पोंब्मैं को-कोइ मुँ। चमैंइ क्हेमैंए सैं ङ्हिंरि लवाइमुँ।

गलाती 2:4

दिलेया स्योलिबै ताँ लोमिंब्मैं ट्हुबि क्ह्‍याल् त्हुम् बिसि खाबज्यै आसेल्‍ले खसि बिश्‍वास लब्मैंए म्‍हाँजोर होंइ। धै ख्रीष्‍टउँइँले मुक्‍ति योंब्मैंलाइ छैं लसि स्योंम्बै ठिममैं म्हाँदिबर कर ल्हैदिमल।

गलाती 2:6

च मिं कालदिब्मैं कति ह्रब् सेब् मुँलेया ङलाइ तोइ फरक आपर्दि, तलेबिस्याँ परमेश्‍वरजी म्हि ङ्ह्‍योसि आफेल! दिलेया ङइ बिबै ताँए फिर चमैंइ तोइ ताँ आथप्दिल।

गलाती 3:1

ओ बुद्धि आरेबै गलातीमैं! खाबइ क्‍हेमैंलाइ म्होंनि झोंइ? येशू ख्रीष्‍ट क्रूसर च्‍योवाबै ताँ क्हेमैंने ङिइ छेनाले बिल।

गलाती 4:11

छतसि ङ न्हुँ खइमुँ! ङए सैंरम् क्‍हेमैंए ल्हागिर ङइ के लब फाक्‍कर्न तइ ङ्हाँइमुँ।

गलाती 4:17

च स्‍योर ताँ लोमिंब्‍मैंइ क्‍हेमैंलाइ खेंमैं ङाँइ बोबै भों लम्, दिलेया क्हेमैंए फिर आछ्याँबै सैं मैंम्। चमैंइ बिबै ताँ क्‍हेमैंइ बेल्‍ले सैं तोंदै क्वेंरिगे बिसि चमैंइ क्‍हेमैंलाइ ङि ङाँइँले फ्रेसि बोल् म्‍हैम्।

गलाती 4:20

ङ तोगोन् क्‍हेमैं ङाँर मुँस्याँ ङइ छले ताँ लल् आत्हुमल। ङ तोगो क्हेमैं ङाँइले ह्रेंगो मुँ, छतसि क्‍हेमैंने खैले ताँ लल् त्हुम् बिसि ङ अलमल् तइमुँ।

गलाती 5:12

क्‍हेमैंलाइ खैला तोला ङ्हाँन् लसि दुःख पिंब्मैंइमि ट्हुबि मत्‍त्रे आङिं, ह्रोंसए ज्युर्बै भागन् क्‍याँस्याँ तमल।

गलाती 5:7

ओंसों क्‍हेमैं छेनालेन् प्ररिल। तोगो खाबइ क्‍हेमैंलाइ चु क्ह्रोंसेंन्बै छ्याँबै घ्‍याँर प्रल् आपिं?

गलाती 6:17

आखिरि ताँ: तारे खाबज्यै ङलाइ दुःख आपिंरिगे, तलेबिस्याँ ङइ ङए ज्युर येशूए ल्हागिर सैदिबै घामैंए डाम नोइमुँ।

फिलिप्पी 3:15

ङ्यो येशू ख्रीष्‍टए फिर बिश्‍वास लब्मैं ताँनइ छाबन् सैं मैंल् त्‍हुम्। दिलेया क्‍हेमैं न्‍होंरि को-कोइ स्योबन् सैं मैंस्‍याँ परमेश्‍वरजी च ताँ या क्‍हेमैंलाइ क्होमिंब्‍मुँ।

२ थेसलोनिकी 3:4

ङिइ बिबै ताँ खैले तोगो क्‍हेमैंइ लरिइमुँ, च ताँ धबै लिउँइँज्‍यै या लरिब्‍मुँ बिसि प्रभुजी ङिलाइ पक्‍का था पिंइमुँ।

१ तिमोथी 1:20

चमैं न्होंरि हुमेनियस नेरो अलेक्जेन्डर बिब छाबै म्‍हिमैं ग। चमैंइ परमेश्‍वरए बारेर आछ्याँबै ताँ आपोंरिगे बिसि ङइ चमैं दुष्‍टए योर्न पिंवाइ।

फिलेमोन 1:21

ङइ बिब् धोंले क्‍हिइ लब्‍मुँ, अझै च भन्दा ल्हें क्‍हिइ लब्‍मुँ बिसि चु ताँ प्‍ह्रिरिमा ङइ मैंइमुँ।