गलाती 4:25 - परमेश्‍वरए ताँ तमु क्युइर

²⁵ च सिनै बिबै कों अरब ह्‍युलर मुँ। हागारए मतलब तिंजोरोबै यरूशलेम ग। चर्बै ताँन् म्हिमैं ठिमए न्होंर मुँबइले केब्स्योए सन्तानमैं धोंन् तइ।

गलाती 4:25 ပူးပေါင်းရင်းမြစ်များ

भजनमैं 68:17

परमेश्‍वरए रथमैं लाख लाख करोड करोड मुँ! सिनै कोंउँइले प्रभु ह्रोंसए पबित्र क्‍ल्‍ह्‍योर युइमुँ।

भजनमैं 68:8

च त्हेर सिनै बिबै कोंर युबै परमेश्‍वरए उँइँर, इस्राएलए परमेश्‍वरए उँइँर, पृथ्बी त्हारइ, मुउँइँले नाँ युइ।

मत्ती 23:37

“ओ यरूशलेमथेंमैं, अगमबक्‍तामैं सैब्मैं, धै परमेश्‍वरजी कुल्मिंबै स्यार्बोमैं युँमाइ प्रिंब्मैं। नगा आमाइ प्हसेंमैं प्ह्‍या न्होंर हुब् धोंले ल्‍हें खे ङइ क्‍हेमैंलाइ हुल् म्‍हैइ, दिलेया क्‍हेमैं ङ ङाँर खोंयोंइ या खल् आङिं!

लूका 13:34

झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

लूका 19:44

चमैंइ चु सहर फुवासि चु न्‍होंर्बै ताँन् म्‍हिमैं या सैवाब्‍मुँ। धिंए गारार युँमा घ्रिए फिर अर्को युँमा तरिब् आरे। तलेबिस्याँ ‘ङिं जोगेमिंबर परमेश्‍वर युल!’ बिबै ताँ क्हेमैंइ क्होल् आखाँल।”

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

गलाती 1:17

ङ भन्दा ओंसोंन् कुल्मिंबै चेला चिब तब्‍मैं ङाँर सल्‍ला किंबर यरूशलेमर आह्‍याल। बरु ङ युनन् अरब बिबै ह्‍युलर ह्‍याइ, च लिउँइँ दमस्‍कस सहरर एखइ।

गलाती 4:24

चु च्हमिरि ङ्हिंउँइँले ङ्योइ छले क्होल् खाँम्: च च्हमिरि ङ्हिंए मतलब बाछा ङ्हिं ग। हागार बिबै केब्स्‍योए मतलब सिनै बिबै कोंउँइँले युबै बाछा ग। च केब्स्‍योइ केब्छैं तल् त्हुबै प्‍हसेमैं फिल।

गलाती 4:26

दिलेया स्‍वर्गर्बै यरूशलेम बिस्याँ खाँसों ङ्हाँन् तब मुँ। च ङ्योए आमा धों तब् ग।

हिब्रू 12:18

स्‍योंम्‍बै इस्राएलीमैं सिनै बिबै कोंउँइँ ह्‍याइ, दिलेया क्‍हेमैं छाबै छुइल् आँखाँबै कोंर आखइमुँ। क्हेमैं लुँरिबै मि, म्‍लोंग्‍या न्‍हाँम्‍स्यो, मिछु खैबर अथवा थेबै नाँ-खैंए चेंदो या आखइमुँ।