गलाती 4:2 - परमेश्‍वरए ताँ तमु क्युइर

² झाइले आबाइ तोक्दिबै त्हे समा च कोलो ङ्ह्‍योबै म्हिमैंए न्होंर टिल् त्‍हुम्।

गलाती 4:2 ပူးပေါင်းရင်းမြစ်များ

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।

गलाती 3:24

खीए फिर बिश्‍वास लबै त्हे आखन् समा परमेश्‍वरए उँइँर ठिक ठर्दिबै ल्हागिर ङ्योलाइ लोदा-सैंदा लसि ख्रीष्‍ट समा डोरेबर खीजी ङ्योलाइ ठिम पिंइ।

गलाती 4:1

ङइ बिल् म्हैबै ताँ चुन् ग: हकवाला ताँन् सम्‍पत्तिए क्‍ल्‍हे तनाबिलेया च उमेर आयुन् समा केब्छैं धोंलेन् टिल् त्‍हुम्।

गलाती 4:3

च धोंलेन् ङ्यो या कोलो मुँन् समा चु ह्‍युलर्बै छ्यामैंए न्होंर मुँल।