गलाती 4:14 - परमेश्‍वरए ताँ तमु क्युइर

¹⁴ ङ छले नसि क्‍हेमैंलाइ ल्हें दुःख पिंलेया तो तलै तरिगे बिसि क्‍हेमैंइ ङलाइ हेल आल, दिलेया परमेश्‍वरए स्वर्गदूत नेरो ख्रीष्‍ट येशूलाइन धोंले क्‍हेमैंइ ङलाइ म्हाँया लइ।

गलाती 4:14 ပူးပေါင်းရင်းမြစ်များ

भजनमैं 119:141

ङ तोंन् तोर्बै मुँ बिसि म्हिमैंइ म्हि आच्हि, दिलेया क्हिजी ल्हैदिबै केमैं ङइ आम्‍ले।

मत्ती 10:40

“क्‍हेमैंलाइ मान लब्मैंइ ङलाज्यै या मान लमुँ, धै ङलाइ मान लब्मैंइ ङ कुल्‍मिंबै परमेश्‍वरलाज्यै या मान लम्।

मत्ती 18:5

झाइले खाबइ ङए मिंर छाबै कोलो घ्रि मान लमुँ, चइ ङलाज्यै या मान लम्।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

यूहन्‍ना 13:20

क्ह्रोंसेंन ङ क्हेमैंने बिमुँ, ङइ कुल्मिंबै म्हिलाइ मान लब्मैंइ ङलाज्यै या मान लमुँ, छलेन ङलाइ मान लब्मैंइ ङ कुल्मिंबै आबालाज्यै या मान लमुँ।”

१ कोरिन्थी 1:28

छले ह्‍युलर्बै म्हिमैंइ म्हि आच्हिबै म्हिमैंलाइन परमेश्‍वरजी ह्रोंसए के लबै ल्हागिर त्हाँइ। ह्‍युलर्बै म्हिमैंइ थेब ङ्हाँबै सैमैंलाइ केर आफेब् लवाबै ल्हागिर खीजी छ लब् ग।

१ कोरिन्थी 4:10

ङिम् ख्रीष्‍टए ल्हागिर बुद्धि आरेब्मैं धोंन् तइमुँ, क्‍हेमैंम् ख्रीष्‍टर बुद्धि मुँब्मैं धों तइमुँ! ङि भों आरेब्मैं धोंन् तइमुँ, क्हेमैंम् भों मुँब्मैं धों तइमुँ! म्‍हिमैंइ क्‍हेमैंलाइ मान लम्, ङिलाइ हेल लम्।

२ कोरिन्थी 5:20

छतसि ङि येशू ख्रीष्‍टउँइँले खबै सैं तोंबै ताँ बिप्रब्‍मैं ग। ख्रीष्‍टए मिंर ङिइ क्हेमैंने यो छ्युँ लमुँ। क्हेमैं खीने ख्रे लब् पिवासि खीने क्ह्रिद् बिसि परमेश्‍वर ङिउँइँलेन् तसि क्हेमैंने पोंइमुँ।

गलाती 3:26

येशू ख्रीष्‍टए फिर बिश्‍वास लबइले क्‍हेमैं ताँन् परमेश्‍वरए प्हसेमैं तइमुँ,

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

गलाती 4:13

क्हेमैं ङाँर सैं तोंबै ताँ ओंसोंबै लार बिखमा ङ नरिल बिब क्‍हेमैंइ सेइमुँ।

गलाती 4:15

क्‍हेमैं च त्हेर बेल्‍ले सैं तोंल। ङइ क्‍हेमैंए ल्हागिर चु ग्वाइ पिंल् खाँम्: क्‍हेमैंइ पिंल् तबै सै मुँस्याँ क्‍हेमैंए मिइ या तेसि ङलाइ पिंमल! दिलेया तोगो तो तइ?

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।