गलाती 3:8 - परमेश्‍वरए ताँ तमु क्युइर

⁸ परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

गलाती 3:8 ပူးပေါင်းရင်းမြစ်များ

उत्पत्ति 12:3

क्हिए फिर आशिक पिंब्मैंलाइ ङइ आशिक पिंब्मुँ, क्हिए फिर सराप पिंब्मैंलाइ ङइ सराप पिंब्मुँ। क्हिउँइँलेन् पृथ्‍बीर्बै ताँन् म्हिमैंइ आशिक योंब्मुँ।”

उत्पत्ति 18:18

अब्राहामउँइँले घ्रि थेब नेरो भोंबै ह्रें तब्मुँ। च ङाँइलेन् पृथ्‍बीर्बै ताँन् ह्रेंमैंइ आशिक योंब्मुँ।

उत्पत्ति 22:18

ङए ताँ क्हिइ ङिंइ। छतसि क्हिए सन्तानउँइँले ह्‍युलर्बै ताँन् ह्रेंमैंइ आशिक योंब्मुँ।”

उत्पत्ति 26:4

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ।

उत्पत्ति 28:14

क्हिए सन्तानमैं ह्‍युलर्बै स त्हुल् धोंलेन् ल्हें तब्मुँ। क्हिए सन्तान स्यार (पूर्व) छ्यो-न्हुँ (पश्‍चिम) च्योंबो (उत्तर) नेरो छ्यो ल्हुइ (दक्षिणाइ) खन्तोंदोंन् ल्हें तदै ह्‍याब्मुँ। क्हि नेरो क्हिए सन्तानउँइँले ह्‍युलर्बै ताँन् म्हिमैंइ आशिक योंब्मुँ।

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 72:7

चए ग्याल्सर ठिक के लब्मैंल बिब् धों तरिगे, धै लयाँ मुँन् समा तोन्दोंरि सै छ्याँब तरिगे!

यूहन्‍ना 19:37

धबै परमेश्‍वरए छ्वेर्बै अर्को क्ल्ह्‍योर छले बिइमुँ। “चमैंइ म्‍लोबै म्हिलाइ ङ्‍ह्‍योब्मुँ।”

यूहन्‍ना 7:38

परमेश्‍वरए छ्वेर बिब् धोंले ‘ङए फिर बिश्‍वास लब्मैंए सैं न्‍होंउँइँले सोगों लमिंबै क्‍युए स्योंमैं त्होंब्मुँ।’”

यूहन्‍ना 7:42

“म्रुँ ख्रीष्‍ट दाऊदए कुलकर्बै तब्‍मुँ, धै दाऊद नाँस बेथलेहेमउँइँलेन् खब्मुँ। बिसि परमेश्‍वरए छ्वेर आप्ह्रिइमुँ वा?”

चेला चिब्मैंए केमैं 2:35

ङइ क्‍हिए शत्तुरमैं क्‍हिए प्‍हले न्होंर आलन् समा क्हि ङए क्‍योलोउँइँ टिद्।’

रोमी 9:17

मिश्र ह्‍युलर्बै फारो म्रुँए बारेर परमेश्‍वरए छ्वेर छले प्ह्रिइमुँ, “क्हिइ ङए शक्‍ति ह्‍युल तिगोंन् उँइँरिगे, धै ङए शक्‍ति मुँबै मिं बिप्ररिगे ङ्हाँसि, ङइ क्हिलाइ म्रुँ लमिंइ।”

रोमी 9:30

छतसि ङ्योइ तो बिल् त्‍हुम्? ठिमइ बिब् धोंले आप्रलैया अरू ह्रेंर्बै म्‍हिमैंइ बिश्‍वास लबइले परमेश्‍वरजी चमैंलाइ खीए उँइँरि ठिक ठर्दिइ।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

गलाती 3:22

दिलेया “ताँन् म्‍हिमैं पापए न्होंर मुँ” बिसि छ्वेइ बिइमुँ। छतसि परमेश्‍वरजी बाछा फैसि पिंम् बिबै खोंयोंइ आनुबै छ्ह येशू ख्रीष्‍टए फिर बिश्‍वास लबइले मत्‍त्रेन् योंइमुँ।

गलाती 4:30

दिलेया परमेश्‍वरए छ्वेर तो बिइमुँ बिस्‍याँ “केब्स्‍यो नेरो चए च्‍हलाइ ल्हावाद्, तलेबिस्याँ केब्स्यो ङाँइँले योंबै च्‍हइ, केब्स्यो आङिंबै प्‍ह्रेंस्‍यो ङाँइँले योंबै च्‍हइ योंब् धों तबै हक योंल् आखाँ।”

हिब्रू 4:2

मोशाइ मिश्र ह्‍युलउँइँले तेइ पखबै इस्राएलीमैंइ धोंले ङ्योज्‍यै या सैं तोंबै ताँ थेइमुँ। दिलेया चमैंइ सैं तोंबै ताँ थेलेया आक्वें छतसि चमैंलाइ तोइ फायदा आत।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।